Xorijdan kelgan mehmonni vodiyga olib borib derbilarga olib tushing o'zini go'yoki "El-Klasiko"da o'tirgandek his qilmasa hisobmas. Chindan ham undagi muhit, muxlislar yaratadigan atmosfera, jamoalar taqdim qiladigan jang bamisoli kuchli chempionatlardagidek. "Navbahor" - "Andijon" o'yini ham bundan kam bo'lmasligiga ishonchimiz komil.

O'zaro o'yinlar

Jamoalarning statistik raqamlariga kelsak, bu ikki jamoa chempionat doirasida shu kungacha 53 marotaba kuch sinashishdi. Shularning 11 tasida “Andijon”ning qo'li baland kelgan. “Navbahor”da esa 27 g'alaba bor. 15 ta bahsda durang kuzatilgan. To'plar nisbati 49\76.

Joriy mavsumning 1-davrasida Namangandagi bellashuvda mezbonlar 1:0 hisobida g'olib chiqishgan. “Andijon” ushbu raqibini oxirgi bor 2021 yili Namanganda yagona gol evaziga yutgan. Shuningdek, Andijondagi so'nggi g'alaba 2016 yilga to'g'ri keladi. O'shanda ham "burgutlar"ning g'alabasiga birgina gol kifoya qilgan.

"Andijon"ning o'z maydonidagi so'nggi g'alabasida kimlar maydonga tushgan?

14:00 - "Andijon" (Andijon) – "Navbahor" (Namangan) 1:0
Hakamlar: H. Ro'ziev (Toshkent), M. Saidqosimov (Toshkent), O. Abduvosilov (Toshkent), I. Xudoydotov (Toshkent)
Nazoratchi: R. Serazetdinov (Toshkent)
O'zPFL vakili: A. Inoyatov.
Gol: Ro'zimboy Ahmedov 30, - 1:0.
"Andijon": 46. Xurshid Xodjaev, 8. Elman Tagaev, 17. Timur Vasilev, 18. Farhod Bekmuratov, 19. Denis Ilesku, 22. Ro'zimboy Ahmedov, 29. Obid Jo'raboev, 32. Alisher Abduvohidov (91. Alibobo Rahmatullaev, 46), 55. Dilshod Jo'raev, 89. Bobur Akbarov, 90. Pavel Smolyachenko.
Zaxira: 1. Akmal Tursunboev, 4. Azamat Isroilov, 10. Anvar Berdiev, 33. Shoxruh Ergashev, 34. Abror Komilov, 70. Solohiddin Solohiddinov, .
"Navbahor": 34. Artur Parvanov, 7. Akram Bahritdinov, 9. Dilshod Jabborov (S), 10. Alisher Mahmudov, 21. Azam Aliev, 24. Ilhom Boydadaev, 26. Qahramon Mahamadjonov, 28. Islombek Isoqjonov, 33. Tohir Shamsitdinov, 50. Abdumalik Abdullaev, 99. Ruslan Vagapov.
Zaxira: 32. Mirzohid Mamatxonov, 19. Vladislav Aleksin, 20. G'ayrat Jo'raev, 27. Murod To'ychiboev, 48. Aziz Turg'unboev, 88. Vladislav Nuriev.

Eng yirik g'alabalar

Jamoalarning so'nggi yillardagi o'yinlarida 3tadan oshiq gol urilmayapti. So'nggi bor "Andijon" - "Navbahor" o'rtasidagi uchrashuvda muxlislar gollar yomg'irini ko'rganiga 8 yil bo'ldi. 2015 yilgi mavsumda "burgutlar" raqibini 3:2 hisobida taslim qilgan.

"Andijon"ning derbidagi eng yirik g'alabalari

05.08.2010. "Andijon" - "Navbahor" 5:1

27.05.2001. "Andijon" - "Navbahor" 4:0

"Navbahor"ning derbidagi eng yirik g'alabasi

13.11.2004. "Navbahor" - "Andijon" 5:0

Turnir jadvalidagi vaziyat

Jamoa oxirgi 5ta uchrashuvda 5 ochko jamg'ara olgan va bu formatda 12 o'rinda boryapti. Oxirgi marotaba "Navbahor" birinchi davra so'nggida Navoiyda autsayder ustidan g'alaba qozongan. "Paxtakor" bilan o'rtadagi farq katta. Shunga qaramay "lochinlar"ning hali erga qo'nish niyati yo'q.

"Navbahor" - OKMK 0:0

"So'g'diyona" - "Navbahor" 2:1

"Navbahor" - "Paxtakor" 1:2

"Metallurg" - "Navbahor" 1:1

"Qizilqum" - "Navbahor" 1:2

"Andijon" esa so'nggi 5ta o'yinning 3tasida nursiz durang qayd etdi, "Olimpik"ni mag'lub etdi va "Bunyodkor"ga mag'lub bo'ldi. Turnir jadvalida chempionlik uchun kurashayotgan "Neftchi" va "Nasaf"dan ochko oldi. Hozirda "burgutlar"da g'alaba qozonish orqali bir pog'ona ko'tarilib olish imkoni mavjud. Kecha "Surxon" yo'qotgan 3 ochkoga "Andijon" ega chiqishi mumkin. To'purarlar jadvalida Rubin Xebay bugun Cheranga etib olishi mumkin. Ayni paytda Cheranda 11, Nimeli va Xebayda 10tadan gol bor.

"Andijon" - "Nasaf" 0:0

"Andijon" - "Surxon 0:0

"Bunyodkor" - "Andijon" 2:1

"Andijon" - "Olimpik" 2:1

"Neftchi" - "Andijon" 0:0

O'n martta gapirgandan bir martta ko'rgan afzal deganlaridek, yaxshisi barchaga yoqimli tomosha tilaymiz. Vodiy derbisida kim g'alaba qozonadi?

"Al Hilol"dan ochko olgan "Navbahor" "Andijon"ga qarshi. Bugun kimning parvozi yuqoriroq bo'ladi?