Berdiev "Al Sadd"ni 2-bor engdi

Ro'ziqul aka 2018 yilgi mavsumda ham Doxa klubini taslim qilishni uddalagan edi. O'shanda Azizjon G'anievning penaltidan kiritgan yagona to'pi uchrashuv taqdirini hal qilgan.

Biroq...

"Nasaf" o'z tarixida ilk bor OCHLning 1 o'yinida 3 ta gol urishni epladi. Oxirgi turda bemalol 4taga harakat qilaversa bo'ladi.

Debyut gol

O'yinda 2-golga mualliflik qilgan Norchaev turnirning final bosqichidagi ilk to'pini kiritdi.

Shuningdek, u Chempionlar Ligasida gol urgan "Nasaf" tarixidagi eng yosh futbolchilardan biriga aylandi.
1. Bobir Abdixoliqov (18 yosh)
2. Azizjon G'aniev (19 yosh)
3. Husayn Norchaev (20 yosh)

Dubl

Uchrashuv qahramoniga aylangan Mozgovoy ham turnirda ilk bor raqib darvozasiga yo'l topdi. Shuningdek, Akmal Chempionlar Ligasida dubl qayd etgan "Nasaf" tarixidagi 3-futbolchiga aylandi. Oldinroq bu baxt Artur Gevorkyan hamda Marko Stanoevichga nasib qilgan edi.

Tarixiy o'yin

So'nggi turda "Nasaf"ni juda ham muhim bahs kutib turibdi. Agar "Al Vihdat" 2-marta mag'lub qilinsa, "Nasaf" OCHLdagi ochkolar bo'yicha shaxsiy (2018 yil, 10 ochkolik) rekordini yangilaydi. Bu esa o'z-o'zidan "ajdarlar"ga tarixda birinchi marta pley-off yo'llanmasini taqdim qiladi. Omad tilaymiz!

Muallifning boshqa fikrlarini kuzatish uchun telegram-kanalga azo bo'lishni unutmang.

OCHL. "Nasaf"ning g'alabasidan keyingi qiziq faktlar