Superliga

15-tur

OKMK – "Navbahor" 2:1

12 avgust. Olmaliq. OKMK stadioni. 19:00

Gollar: Kleydi Daci 18', Mixail Klepach (Dilshodbek Ahmadaliev) 90+8' – Filip Ivanovich 74'

Hakamlar: Ravshan Abduvohidov, Islom Azimov, Sherzod Azamov, Xushnud Suyunboev

VAR: Firdavs Norsafarov

AVAR: Shohruh Azamov

Nazoratchi: Vladislav Ceytlin

Komissar: Diyor Xotamqulov

OKMK: 35.Javohir Ilyosov, 2.Akramjon Komilov, 3.Sardor Rahmonov, 4.Mirjamol Qosimov (18.Aziz Xolmurodov, 71), 6.Avazbek O'lmasaliev, 7.Dilshodbek Ahmadaliev, 9.Ruben Sanches (77.Nodirbek Abdurazzoqov, 71), 10.Xurshid G'iyosov (99.Irakli Ruxadze, 90), 11.Kleydi Daci (27.Ali Abdurahmonov 85), 28.Arixiro Sentoku (19.Mixail Klepach, 85), 30.Abror Sarimsoqov.

Zaxira: 1.Valijon Rahimov, 14.Azizbek Bahramov, 21.Saidafzalxon Axrorov, 22.Shohruh Gadoev.

"Navbahor": 35.Sanjar Quvvatov, 7.Azim Ahmedov (17.Ruslan Jiyanov, 53), 8.Siyavash Haqnazari (55.Komil Tojiddinov, 53), 9.Odiljon Hamrobekov, 10.Jamshid Iskanderov, 12.Saidazamat Mirsaidov, 13.Filip Ivanovich, 14.Jamshid Boltaboev, 21.Giorgi Nikabadze, 23.Yovan Jokich, 77.Abror Ismoilov (88.Asad Jo'raboev, 88).

Zaxira: 18.Eldor Suyunov, 4.Abror Karimov, 24.Doston Abdulxaev, 27.Jahongir Tursunov, 99.Elbekjon Yo'lchiev.

Ogohlantirish: Giorgi Nikabadze (24), Akramjon Komilov (73), Dilshodbek Ahmadaliev (78), Jamshid Boltaboev (88).

UCHRASHUV YAKUNLANDI!

90+8. GOL! Dilshodbek Ahmadalievning pasidan keyin Mixail Klepach hisobni 2:1 ko'rinishiga keltirdi!

90+5. Uuux! Ruslan Jiyanovning aylanma zarbasi noaniq ko'rinish oldi.

Ikkinchi taymga 5 daqiqa qo'shildi.

90. OKMKda almashtirish: G'iyosov o'rniga Ruxadze tishirildi.

88. Boltaboev qo'pollik uchun sariq kartochka oldi.

87. "Navbahor"da o'zgarish: Ismoilov o'rniga Jo'raboev bahsga qo'shildi.

85. OKMKda 2 ta o'zgarish: Daci o'rniga Abdurahmonov, Sentoku o'rniga Klepach tushdi.

84. Uuuuux! Kleydi Daci qulay imkoniyatni ko'kka sovurdi, uning zarbasidan so'ng to'p darvozaga kirishiga ozgina aniqlik etishmadi.

82. Ikki jamoa tomonidan mayda follar ko'payib ketdi, ammo o'yin tempi yuqori.

78. Dilshod Ahmadaliev hakam tomonidan ogohlantirildi.

76. Vaziyatni VAR o'rgandi va to'p darvoza ichkarisiga kirgani uchun golni hisobga oldi.

74. GOL! Jamshid Iskanderovning uzatmasidan keyin darvozabon to'pni qaytardi, so'ngra talato'p ichida turgan Filip Ivanovich darvozani ishg'ol qildi – 1:1!

73. Akramjon Komilov qo'pollik ishlatgani uchun sariq kartochka oldi.

71. OKMKda 2 ta almashtirish: Qosimov o'rniga Xolmurodov, Sanches o'rniga Abdurazzoqov bahsni davom ettiradi.

70. Akram Komilovning qanotdan amalga oshirgan reydi oxiriga etmay qoldi, "aut".

68. Boltaboevning qanotdan oshirgan to'pini himoyachilar maydon tashqarisiga chiqarib yuborishdi.

66. Jamshid Boltaboev to'pni egallashga bo'lgan urinish chog'ida Xurshid G'iyosovni yiqitdi.

63. Zarba! Abror Ismoilovning uzoqdan bergan zarbasini Ilyosov egallab oldi.

59. Ilyosov havodagi kurashda Nikabadze bilan turtildi, hakam fol qayd etdi.

56. Zarbaaaa! Iskanderovning zarbasidan keyin Ilyosov to'pni qaytardi, qaytgan to'pni Tojiddinov darovozaga yo'naltira olmadi, to'p darvoza ustuniga tegib qaytdi. Dahshat!

53. "Navbahor"da 2 ta o'zgarish: Ahmedov o'rniga Jiyanov, Haqnazari o'rniga Tojiddinov tushirildi.

52. Nikabadzening olis masofadan yo'llagan zarbasidan so'ng to'p darvoza to'sini yuqorisidan o'tib ketdi.

50. Ivanovichning uzatmasidan keyin hech kim to'pga etib bora olmadi.

48. Kleydi Daci Ahmedovni ortda qoldirdi, ammo Filip Ivanovichga duch kelib, duelda engildi.

46. Ikkinchi taym boshlandi!

Birinchi bo'lim yakunlandi. Hozircha hisob – 1:0. Tanaffus!

45. Birinchi taymga 3 daqiqa qo'shib berildi.

44. OKMK chap qanotdan oldinga o'tishga urindi, keyinroq hujum o'ng qanotga ko'chdi. Ahmadalievning havolatib amalga oshirgan uzatmasidan keyin "Navbahor" himoyachilari to'pni uzoqlashtirishdi.

40. Siyavash Haqnazariga tibbiy yordam ko'rsatiladi, u jarima maydonchasi ichida Sardor Rahmonov bilan to'qnashib ketgandi.

36. Javohir Ilyosov uzatib bergan to'p Sanchesga qadar etib keldi, ammo unga nisbatan qoida buzildi.

30. Uuux! Siyavash Haqnazarining xavfli zarbasiga aniqlik etishmadi, u sobiq jamoadoshlarini og'ir avholga solib qo'yishiga bir baxya qoldi.

27. Hakam VAR monitoriga bordi va ehtimoliy qizil kartochkani tekshirib ko'rdi. Davom etamiz.

24. Ilyosovga nisbatan qo'pollik ishlatgan Nikabadze ogohlantirildi.

23. Javohir Ilyosovga tibbiy yordam ko'rsatilmoqda.

18. GOL! Azim Ahmedovning qo'pol xatosidan so'ng to'p olmaliqliklar hujumchisi Kleydi Daciga kelib tushdi va u bemalol darvoza tomon zarba berib, hisobni ochdi – 1:0!

17. Abror Ismoilovdan Iskanderov tomon pas, ammo namanganliklar xavbeki to'pni o'ziga bo'ysundirishda muammoga duch keldi, olmaliqliklar tomonidan xavfning oldi olindi.

13. Odiljon Hamrobekov Nikabadzeni birga-bir holatga chiqarib yubormoqchi bo'ldi, biroq himoyachilar bunga yo'l qo'yishmadi.

11. Mirjamol Qosimov maydon markazidan oldinga intilayotgan Siyavash Haqnazariga nisbatan qoida buzdi.

8. Uuuux! Jamshid Iskanderovning qulay poziciyadan yo'llagan xavfli zarbasidan keyin to'p himoyachilarga tegib maydonni tark etdi. Qanday vaziyat! "Navbahor"dan qoyilmaqom hujum!

5. Abror Ismoilov himoyachilarni ustamonlik bilan aldab o'tib, xavfli vaziyat sodir qildi va jamoasi foydasiga burchak zarbasi ishladi.

3. Har ikki jamoa darhol hujum tashkil etdi va o'yin ancha-muncha faol kechishiga shama qilishmoqda.

1. Uchrashuv boshlandi!

Superliga. OKMK so'nggi daqiqalarda urilgan gol evaziga "Navbahor"ni mag'lub etdi