"Челси" АПЛ 7-турида "Ливерпул"ни 2:1 ҳисобида мағлуб этди. Лондонликлар ҳужумчиси Эстевао 95-дақиқада гол урганидан сўнг, бош мураббий ўйинчилар ва мухлислар билан бирга байрам қилиш учун майдонга югурди. Бош ҳакам Энтони Тейлор шундан сўнг мураббийга қизил карточка кўрсатди.

"Энцо Мареска 4 октябрь шанба куни бўлиб ўтган "Челси" ва "Ливерпуль" ўртасидаги Премьер-лига ўйинида ножўя хатти-ҳаракатлари учун бир ўйинлик дисквалификация ва 8000 фунт стерлинг жаримага тортилди.
Мураббийнинг ўйин давомида номақбул тарзда ҳаракат қилгани, ҳақоратли ва беҳаё сўзлар ишлатгани ҳамда хулқ-атвори туфайли тахминан 96-дақиқада майдондан четлатилгани таъкидланган.
Кейинчалик Энцо Мареска айбини тан олди ва белгиланган жаримани қабул қилди," - дейилади Англия футбол ассоциацияси қарорида.

Мареска жамоаси 18 ноябрь куни АПЛнинг 8-турида "Ноттингем Форест" майдонида меҳмон бўлади.

Энцо Мареска "Ливерпул"га қарши ўйиндаги хатти-ҳаракатлари учун жазога тортилди