"Fichajes" хабарига кўра, испаниялик вингерга 400 миллион евро таклиф қилинган. Бу трансфер жаҳон футболи тарихидаги энг йирик трансферга айланиши мумкин.

Бу таклиф нафақат қиймати, балки муддати бўйича ҳам мисли кўрилмаган: испаниялик ёш истеъдодга Саудия Арабистонида 7 мавсум ўтказиш таклиф этилади.

Хабар қилинишича, "Барселона" дастлаб таклифни рад этиб, Ямални спорт лойиҳасида асосий ўйинчи сифатида сақлаб қолиш ниятини тасдиқлаган. Бироқ молиявий босим ва футболчининг амбициялари вазиятни чигаллаштириши мумкин.

Кийиниш хонасига яқин манбаларнинг хабар беришича, Ламин "кўк-анорранглилар" устози Ханси Флик уни жамоатчилик олдида танқид қилганидан хафа бўлган. Вундеркинд атрофидаги аҳвол яхшиланмаса, у "Барселона"ни тарк этишни хоҳлаши мумкинлиги ҳақидаги миш-мишлар кучаяди.

"Ал Ҳилол"нинг таклифи ёш вингер учун ҳам спорт, ҳам молиявий нуқтаи назардан жозибадор вариант сифатида қаралади.

Футбол бозорида янги давр: "Барселона" Ямаль учун мисли кўрилмаган таклиф олди!