"Jamoamiz yozgi transfer oynasidagi to'rtinchi kelishuvga erishdi.

Bu gal AGMK safini legioner futbolchi, moldovalik - Dan Spataru to'ldiradi.

AGMK futbol klubi erkin agent maqomida kelgan Dan Spataru bilan 1 yillik shartnoma imzoladi.

28 yoshli qanot vingeri faoliyatini Moldovada boshlagan va Ruminiya, Rossiya, Latviya va Armaniston ligalarida o'ynagan.

Spataru Moldova terma jamoasi azosi sanaladi. Futbolchi joriy mavsum Moldovaning Milsami jamoasiga o'tib, Evropa Konferenciya ligasi saralash bosqichida 4 uchrashuvda o'ynab, 2ta gol muallifiga ham aylanishga ulgurgan.

Dan Spataru faoliyati davomida Moldova, Ruminiya, Armaniston premer ligasida chempionlikni erishgan hamda o'ynagan ligalarida mamlakat kubogi va superkubogini ham qo'lga kiritgan sovrindor futbolchi", - deyiladi olmaliqliklar xabarida.

AGMK moldovalik futbolchini o'z safiga qo'shib oldi