-Aleksandr Andreevich, Antaliyadagi so'nggi nazorat uchrashuvi ham o'tkazildi. Taassurotlaringiz qanday?

-Birinchi o'yin haqida gapiradigan bo'lsam, bog'liqlik umuman bo'lmadi. Boshqa tomondan qaraganda, birinchi o'yinda etarli vaziyatlar yaratdik, lekin yana yakuniga etkaza olmadik. Raqibda esa aksincha, ularni har bir zarbasi darvozadan joy oldi. Shuning uchun aytaman: bugun bizni kunimiz bo'lmadi. Ikkinchi o'yin haqida gapirsam, yaxshi raqib ekan. 70 daqiqa tengma-teng kurash bo'ldi. Ko'proq vaqtimizni asosan himoyada o'tkazdik va qarshi hujumlarga o'tishga harakat qildik. O'yindan qoniqdim. Futbolchilarga barakalla deyman. Ishlashda davom etamiz, bu erdagi yig'inimizni yakunlayapmiz. Lekin hali bizda chempionat boshlanishiga yana ikki hafta vaqt bor. Asosiy tarkibni aniqlashda bir qarorga kelishimiz kerak va zaxira tarkibiga kiradiganlarni ham aniqlab olishimiz lozim. Hammasi reja bo'yicha ketmoqda.

-“Andijon”ning Antaliyadagi yig'ini deyarli nihoyalab qoldi. Bir so'z bilan aytganda, qoniqish hosil qildingizmi?

-Ha, umumiy olganda, albatta qoniqdim. Sifatli maydonlar, munosib raqiblar… Amalga oshira olmayotgan vaziyatlar meni biroz asabiylashtirmoqda. Lekin bu masalani hal qila olamiz. Oxirida kuchaytira oladigan futbolchilarni jalb qilamiz.

-Muxlislarni Rubin Xebayning o'rnini kim to'ldirishi qiziqtiryapti. Bu borada qanday reja bor?

-Ha, hujumchi izlayapmiz. Tezroq bir qarorga kelishimiz kerak. Rubin singari yordam bera oladigan futbolchi bilan kelishuv jarayonidamiz. Xebay o'rnini to'ldira oladigan hujumchi olib kelamiz.

“Andijon” matbuot xizmati.

Aleksandr Xomyakov: “Xebay o'rnini to'ldira oladigan hujumchi olib kelamiz”