- O'yinlarimiz haqida fikrlarim uncha yaxshi emas. Musobaqadagi o'yinlarimizni yutqazdik (kuladi). Birinchi o'yinda yirik hisobda mag'lub bo'ldik. O'yinlar vaqti bizlarga noqulaylik tug'dirmoqda. Chunki bu paytda ijod ahli asosan uyda dam olayotgan bo'ladi. Oyoqlarimiz hali ham uyquda (kuladi). Ushbu musobaqa orqali boshqa turli xil kasb egalari bilan birga o'ynamoqdamiz. Do'stlarimizni ko'rmoqdamiz. Yangi tanishlar orttirmoqdamiz, eski tanishlarni diydorini ko'ryapmiz. Sport odamlarni birlashtiradi deyiladi, bu ayni haqiqatligi yana bir marotaba isbotini topmoqda. Sport yaxshilikka xizmat qilmoqda.
O'tgan safargi turnirda Ravshan Ermatov boshchiligidagi "Hakamlar" jamoasi iliq taassurot qoldirgandi. Bu galgi musobaqada Oliy sud sudyalarini alohida etirof etgan bo'lardim. Shuningdek, musobaqada yangi kelib qo'shilgan "Osiyo" jamoasi juda kuchli ekan. Bundan xabarim yo'q edi. Biz va jurnalistlar jamoasi autsayderlar qatorida ekanmiz. Futbolda jismoniy tayyorgarlik juda muhim ahamiyatga ega. Avvalgi sport formamni ancha yo'qotib qo'yganim pand bermoqda. Odam futbol o'ynashni yaxshi bilgani bilan, uning jismoniy tayyorgarligi joyiga bo'lmasa, miya buyuradigan vazifani bajarish qiyin bo'larkan. Bu kabi musobaqalarni o'tkazib turilishi juda quvonari holat. Gap natijada emas, turli kasb vakillari o'zaro birlashishlariga ham sport, xususan futbol yaxshigina xizmat qilmoqda. Umid qilamanki, ushbu musobaqa davomiy o'tkazilib turiladi. Agarda shu kabi turnirlar o'tkazilaverilsa, o'ylaymanki biz ham tezda o'z sport formamizni tiklab olamiz. Shundan so'ng avvalgidek gollar urishni boshlab yuboraman va bu musobaqa sport formamni tiklashimga o'z hissasini qo'shgan bo'ladi (kuladi). O'zbekiston futzal terma jamoamizga esa Osiyo chempionatiga omad yor bo'lishi tilab qolaman.

Alisher Uzoqov: "Bu kabi musobaqalar doimiy o'tkazilib turilishi tarafdoriman"