Manchester Siti – Liverpul 4:1

Etixad Stedium

Gollar: 0:1 – 17 Saloh, 1:1 – 27 Alvares, 2:1 – 46 de Bryuyne, 3:1 – 53 Gyundogan, 4:1 – 74 Grilish.

Manchester Siti – Ederson, Ake, Ruben Diash, Akandji, Stounz, Gyundogan, de Bryuyne, Grilish (Palmer), Rodri (Bernardu Silva, 83), Marez, Alvares.

Liverpul – Alisson, Aleksander-Arnold, van Deyk, Konate, Robertson (Cimikas, 70), Henderson, Fabino, Elliott (Oksleyd-Chemberlen, 70), Saloh (Nunes, 70), Diogu Jota (Firmino, 70), Gakpo (Milner, 82).

Ogohlantirishlar: Saloh (19), Rodri (33).

BAHS YAKUNLANDI!

Uchrashuvga 3 daqiqa qo'shib berildi.

89. "Shaharliklar"da navbatdagi almashtirish: Grilish o'rniga Palmer bahsni tugatib qo'yadi.

83. Pep Gvardiola ham o'zgarishlarga qo'l urdi: Rodri maydonni tark etdi, o'rniga Bernardu Silva o'yinga qo'shildi.

82. Gakpo o'z o'rnini "qarimas" Jeyms Milnerga bo'shatib berdi.

74. GOOOOOOOOOOL! "Siti" intrigaga deyarli nuqta qo'ydi. Grilish bugun golsiz maydonni tark etishi nohaqlik edi. De Bryuynening uzatmasidan so'ng Jek hisobni yirik ko'rinishga keltirdi. 4:1

70. "Liverpul" tarkibida to'rtta o'zgarish: Robertson, Jota, Saloh va Elliot maydonni tark etishdi. Ularning orniga Chemberlen, Nunez, Firmino va Cimikas maydonga tushdi.

59. ZARBAAAAA! Super zarba, super seyv! Jek Grilishning aylantirib bergan zarbasini Alisson undanda chiroyli seyv bilan qaytarib yubordi.

54. GOOOOOOOOOOOOOOOOOOOOOOOL! Alvares jarima maydoni ichidan turib bergan zarbani Trent qaytardi. Qaytgan to'pni esa Ilkay Gyundogan aqlli zarba bilan darvozaga joylab qo'ydi.

46. GOOOOOOOOOOOOOOOOOOOOOOOOOOOL! Ikkinchi taymning ilk daqiqasidayoq de Bryuyne hisobni "Siti" foydasiga og'dirmoqda. Alvaresning qanotga yuqoridan oshirgan super pasidan so'ng Mahrez to'pni jarima maydoni ichidagi de Bryuynega uzatdi, belgiyalik esa to'pni darvozaga joyladi.

46. Ikkinchi bo'lim boshlandi!

45+2. Tanaffus! Juda qaynoq taym guvohi bo'ldik.

45+1. Rodri burchakdan uzatilgan to'pni darvozaga yo'lladi, ammo noaniq.

33. Gakpoga ishlatilgan aynan shu qo'pollik uchun Rodri ogohlantirildi.

33. O'yin "yonyapti". Qarshi hujumga qochayotgan Gakpoga ishlatilgan qo'pollik ikki jamoaning ham etirozlarini keltirib chiqardi.

Shu o'rinda Jek Grilishni etirof etish joiz. Goldan bir necha daqiqa avval Grilish "Liverpul"ning juda xavfli qarshi hujumini so'nggi himoyachi sifatida qaytargandi. Keyin esa golga assistentlik qildi.

27. GOOOOOOOOOOOOOOOOOOOOOL! Xulian Alvares Grilishning pasidan so'ng hisobni osongina tenglashtirdi.

20. Yon hakamning qaroridan o'zini jilovlay olmagan Muhammad Saloh emociyalari uchun ogohlantirildi.

17. GOOOOOOOOOOOOOOOOOL! Trentning ajoyib uzatmasidan so'ng Jota birga bir vaziyatga chiqdi va to'pni Salohga oshirdi. Muhammad esa ajoyib zarba bilan darvozani ishg'ol qildi!

14. ZARBAAA! Mahrezning 20 metrlardan amalga oshirilgan jarima zarbasi juda xavfli chiqdi, ammo biroz noaniq.

10. O'yinda eng ko'zga tashlanayotgan futbolchi Fabino, o'zining qo'polliklari bilan, albatta.

9. Gyundogan o'tkir burchakdan uzatma aralash zarba berdi. Alisson to'pni egallab oldi.

5. "Man Siti" to'pni nazorat qilmoqda va hujumga intilmoqda.

1. O'yin boshlandi.

- Erling Xolandning nega qaydnomaga kiritilmaganini Pep Gvardiola quyidagicha izohladi:

"Xoland tayyor emas. U o'zini yaxshi his qilmoqda. Katta muammo yo'q, ammo u bugun tayyor emas"

- Jamoalar tarkibi:

- APL 29-turidan o'rin olgan "Manchester Siti" va "Liverpul" o'rtasidagi markaziy uchrashuvni bugun birgalikda kuzatib boramiz.

APL. "Manchester Siti" "Liverpul"ni tor-mor etdi