Braziliyalikning xizmatlariga Evropaning bir nechta grand klubi qiziqayotgan edi (ularning orasida "Real" ham bor). Neymarga juda katta maosh, jamoaning etakchisi bo'lishni taklif qilishdi. Shunga qaramay Neymar "Barselona" bilan shartnomani 2021 yilgacha uzaytirdi, ammo klub rahbariyati futbolchi borasida moliyaviy muammoni hal qilishi kerak edi.

Malumotlarga ko'ra, ispan grandi masalaning echimini topdi: Neymarning yillik maoshi 15 mln. evro bo'ladi va uning natijalariga qarab yana 10 mln. evro bonus sifatida to'lanadi. Bu braziliyalik urgan gollar, o'ynagan uchrashuvlar, jamoa muvaffaqiyatlari va yana shunga o'xshash natijalarga bog'liq. Buning barchasi Neymarning shartnomasida ko'rsatib o'tilgan. Ammo manbalarning xabariga ko'ra, hujumchi bu shartlarni to'liq bajarmasa ham 10 mln. evro oladi. Demak, Neymarning yillik maoshi 25 mln. evroga etadi va uning klubdan oladigan yillik daromadi Messinikidan 3 mln. evrga ko'p bo'ladi.

"Barselona" Neymar Messidan ko'proq maosh oladigan formulani topdi