Ўз майдонида мағлубият тугул дуранг нималигини билмай келаётган "Қўқон-1912" Суперлига дебютанти "Машъал"ни қабул қилади. Хабарингиз бор, муборакликлар икки йиллик танаффусдан сўнг яна элитага қайтишди.

Мусобақа жадвалида "Қўқон-1912" 12 очко билан 3-ўринни эгаллаб турибди. Жамоа 6та ўйиндан тўрттасида ғалаба қозониб, икки бор мағлубиятга учраган. Тўшплар нисбати 12-3. "Машъал" эса 6 очко тўплаган ҳолда 9-ўринда боряпти. Тўплар нисбати 6-5.

Айтиб ўтганимиздек, қўқонликлар уйдаги тўрттала ўйинни ҳам ғалаба билан якунлашди. Бахтиёр Ашурматов шогирдлари уйда "Бухоро" (3:0), "Сўғдиёна" (2:1), "Қизилқум" (4:0) ва "Сурхон"дан (3:0) устун келишди. Жамоа ўз дарвозасидан фақат битта гол ўтказган.

"Машъал" эса ҳозиргача бир марта ғалаба қозониб, уч бор дуранг ўйнади. Шу пайтгача уч марта сафарда тўп тепган "газчилар" фақат "Сурхон" билан дуранг (2:2) қайд эта олишди. "Бунёдкор" ва АГМК билан кечган баҳсларда эса бир хил 0:1 ҳисобида имкониятни бой берди. Бугун "Машъал" тўртинчи бор сафарда тўп тепади.

Имкониятлар ҳақида гапирадиган бўлсак, "Қўқон-1912"нинг ўз майдонида ўйнаши албатта мезбон жамоага устунлик беради. Бунинг устига қўқонликлар уйда гол уриш бобида муаммога дуч келишаётгани йўқ. "Машъал" эса сафарда қийналмоқда. Лекин бугун муборакликлар ҳам сафардаги илк ғалабани нишонлашга уриниб кўришади.

P.S. Cоат 19:00да бошланадиган учрашувни "Спорт" телеканалида тўғридан тўғри кузатиб боринг.

Бугун футбол. "Қўқон-1912" - "Машъал"