"Avvalambor, "Olimpik" jamoasi rahbariyatiga o'z minnatdorchiligimni bildirmoqchiman, tashkiliy ishlar hamda sifatli maydonda to'p tepishga shart-sharoit yaratib berishgani uchun.
O'yinga to'xtaladigan bo'lsam, bugungi bahsga o'ta jiddiy tayyorgarlik ko'rgan edik. "Olimpik" yaxshi shakllanayotgan yoshlardan iborat jamoa, murabbiyi ham zamonaviy fikrlaydigan yaxshi mutaxasis hisoblanadi. Ammo har bir jamoa o'z oldiga g'alabani maqsad qilib qo'ygan bo'ladi, bizning ham o'ylagan rejalarimiz amalga oshdi. O'ylaymanki bugungi bahs, barchaga manzur bo'ldi. Qolaversa, bizni yolg'izlatib qo'ymaslik uchun Buxoroyi sharifdan tashrif buyurgan muxlislarimizga katta raxmat deb qolaman. Ularning qo'llab quvatlashini biz har doim his qilib turamiz. G'uzor, Olmaliq va mana bugun Toshkentda ham biz bilan birga bo'lishdi. Bugungi g'alaba muxlislarimiz uchun.
Klubimizdagi yosh futbolchilardan biri hozirda "Olimpik"da o'ynamoqda. Uchtasi o'z jamoamizda qolgan. Sardor Izzatov, Nuriddin Muzaffarov, Anvar Jo'raev. Jo'raev yaqinda olimpiya terma jamoasi tarkibida Antaliyadagi turnirda ishtirok etib qaytdi. Baribir ko'proq mahalliy futbolchilarga etibor beramiz. Lekin oldimizga katta maqsad qo'yilgan yani "Buxoro"ni Superligaga qaytarish. Qolaversa U18 jamoamizni mahalliy buxorolik futbolchilar tashkil qilishmoqda. Ularga ham etibor qaratamiz. O'zim yaqindan tanishgan futbolchilarni barchasini jamoada olib qolganman",- deydi Davron Fayziev.

Davron Fayziev: "Bugungi g'alabani uzoq yo'l bosib kelgan muxlislarga bag'ishlaymiz"