Тошкентликларнинг гарчи таркиби асосан ёшлардан ташкил топган бўлишига қарамай бу жамоа футболчилари мухлисларда илиқ таассурот қолдирди. Учрашувдан сўнг бош мураббий Дилшод Нуралиевнинг фикрларини билишга қизиқдик.

- Умуман олганда, ўйин ёмон бўлмади, - дея гап бошлади "Пахтакор-2" устози.

- Гол уриш учун бизда ҳам бир қатор вазиятлар бўлди. Таркибимиз жуда ҳам ёш. Йигитларга тажрибали рақибларга қарши ўйинларда бироз ёшлик қилишмоқда. Вазиятларни муваффақиятли якунлашга келганда, қандайдир аниқлик етишмаяпти. Андижонда йирик ҳисобда ғалаба қозонишимиз ҳам мумкин эди. Афсуски айтиб ўтганимдек вазиятлардан фойдалана олмаяпмиз.

- Ўйин борасида эса унчалик ҳам ютқазмадик деб ҳисоблайман.

- "УзДонЖу" жамоаси менда яхши таассурот қолдирди. Таркибида илгари олий лигада ўйнаган маҳоратли ўйинчилар борлигини кўрдик. Қолаверса бир қатор ёшлар ҳам ўйинда ўзларини кўрсатди.

- Мағулбиятнинг асосий сабабларидан бу - голга тортадиган вазиятлардан унумли фойдалана олмаганимиздадир.

- Ҳисоб 1:0 бўлиб турган пайтда ҳимоячини ўрнига олдинги чизиқ вакилини тушуриб ҳужумкорликни оширишга ҳаракат қилдик. Афсуски бу ўзгариш ҳам фойда келтирмади.

- Бу бизнинг чемпионатдаги 4-мағлубиятимиз бўлди. Албатта бу ачинарлидир.

Исломбек Рустамбеков суҳбатлашди.

Дилшод Нуралиев: "Шогирдларим биринчи лигада озгина ёшлик қилишмоқда"