Ushbu muloqot chog'ida PFL direktoriga akademiya va Jahon chempionati borasida savol berildi.

"Akademiyani Jahon chempionati bilan bog'lash qay darajada to'g'ri bilmadim. Jahon chempionatida o'ynash asosiy maqsad bo'lishi kerak emas. Mundialda KXDR, Saudiya Arabistoni, Xitoy kabi terma jamoalar ishtirok etib futboli keskin o'zgarib ketgani yo'q.

Har to'rt yillikning nufuzli musobaqasiga yo'llanma olish mening ham orzuim. Akademiyaga kuchli mutaxassis olib kelish uchun akademiyani o'zi bo'lishi kerak. Qatar buning uchun katta kuch sarfladi, 2022 yilgi Jahon chempionati uchun 10 yildan beri harakat qilib keladi. Buning mevalarini endi yaqinda ko'ra boshladi. Xavini, Feliks Sanchesni olib kelish uchun ko'p mablag' sarf qildi. Bizda futbolga bunday pul yo'q. Ko'rpamizga qarab oyoq uzatishimiz kerak. Biz to'g'ri yo'nalishdan ketadigan bo'lsak salohiyatimiz Qatarnikidan 3 barobar ko'pligini ko'ramiz. Olimpiya terma jamoamiz ham Tailanddagi Osiyo chempionati oxirgi ikki o'yinida raqibidan yaxshi o'ynadi. Imkoniyatlarimiz zo'r, faqat to'g'ri yo'nalishga tushib olishimiz kerak.

Qishloq joylarga kelib selekciya qilishmaydimi murabbiylar degan savolni ko'p berishadi. Lekin bu talabdan kelib chiqiladi. Selekcioner iqtidorini ko'rish uchun hadeb boravermaydi. "Real" va "Barselona" jamoalari nega Braziliyaga borib yotib oldi? Har bir bolada evroni ko'radi, uni olib kelib sotish mumkin bo'ladi. O'zbekistondda u erdan bu erga sotilayotganda pulning o'zi bormi? Bu narsa shakllanmagandan keyin selekcionerni ikkita maktab o'rtasidagi o'yinni ko'rishga imkoniyati yo'q. Odamlar ham fikrlashini o'zgartirishi kerak. Iqtidorim bor, meni kelib ko'r degan bilan ish bitmaydi. O'zbekiston Xitoydek davlat emas bir milliard aholisi bor.

Jasur Jaloliddinov masalan qiyin oiladan chiqqan, ota-onasi kuchli etibor bermagan futbolchini "Bunyodkor" borib Navoiydan topib kelgan to'g'rimi? Iqtidorli bolalar o'zining BO'SM, IBO'SM oraqli ham iqtidorini namoyish qilsa bo'ladi. O'zbekistonda iqtidorli bola qaerda bo'lsa ham ko'rinadi. Andijondan Shohjahon Hasanov iqtidori ko'ringanku. Fintni zo'r qildi degani 90 minut yaxshi futbol o'ynaydi degani emas. Dunyoqarashimizni o'zgartirishimiz kerak, harakat qilsa O'zbekiston ko'zga ko'rinadigan maydon. Ishni to'g'ri yo'lga qo'yishimiz kerak",- deydi Diyor Imomxo'jaev.

Diyor Imomxo'jaev: "Akademiyaga kuchli mutaxassis olib kelishdan avval akademiyaning o'zi bo'lishi kerak"