Diksi DIN

Britaniyalik futbolchi o'zining yorqin o'yinlari bilan mashhurlikka erishgan. Ayniqsa ikkinchi qavatda mohirona harakat qilardi. Diksi Din 1920 yildan 1930 yilga qadar Mersisaydning "Everton" jamoasida faoliyat olib borgan. Angliya chempionatining 1927/28 yilgi mavsumida Din 60ta fantastik gollar urgan. Ular orasidan 40tasi barcha davrlarning rekordi hisoblangan. U oyog'iga qaraganda bosh bilan to'pga yaxshi zarba berardi. Angliya chempionatining oliy divizionida u 31ta golni taxminan boshi bilan urgan.

Dyula JENGELLER

Jengeller 20 asrning eng yaxshi vengriyalik hujumchisi bo'lgan. 20 yillik faoliyati davomida 5ta jamoada o'ynagan. Vengriyaning "Shalgotaryan" va "Uypesht", Italiyaning "Roma" va "Ankoniana", Kolumbiyaning "Deportivo Samarias" jamoalarida to'p tepgan. Shunga qaramay Jengeller Budapeshtning "Uypesht" jamoasidagi harakatlari bilan ko'pchilikning yodida qolgan. 11 yillik faoliyatida Jengeller 303 uchrashuvda 368 marotaba raqiblar darvozasini ishg'ol qilgan. Jengeller ko'pincha gollarni ikkinchi qavatdan urishga muvaffaq bo'lgan. Vengriya chempionatida ishtirok etuvchi himoyachilar agressiv harakat qilishsa ham yuqoriga sakray olishmasdi.

Shandor KOCHISH

Shandor Kochish uzoq yillik faoliyati davomida "Ferencvarosh" (Vengriya), "Gonved" (Vengriya), "Yang Fellouz" (Shveycariya) va Kataloniyaning "Barselona" jamoasida o'ynagan. Kochish faoliyati davomida 300dan ortiq gol urgan. Kochish ikkinchi qavatdagi ajoyib o'yini bilan "Oltin bosh" laqabini olgan.

Uve ZEELER

"G'azabli Uve", germaniyalik futbol muxlislari uni shunday atashardi. Zeeler 19 yoshida (1953 yildan 1972 yilga qadar) "Gamburg" jamoasida faoliyat olib borgan va 444 uchrashuvda 519ta gol urishga erishgan. 18 yoshida barcha mamlakat uning mahorati haqida gapirgan. 1954 yili Belgiyada bo'lib o'tgan o'smirlar o'rtasidagi UEFA turnirida Germaniya o'smirlar tarkibida 20 uchrashuvda maydonga tushib 12ta gol urishga erishgan. JCH-1970 chorak finalida Angliya terma jamoasiga boshi bilan urgan goli jahon chempionatidagi eng chiroyli urilgan gollardan biri bo'lgan.

TAS-IX emas

Gerd MYULLER

Maydonda Gerd Myullerni hech kim to'xtatib qolaolmasdi. U bir zumda tezlashardi, jarima maydoniga kirib borib to'pni darvoza to'riga bemalol joyla qo'ya olardi. Germaniya futbolining afsonasi va tug'ma to'purarning rekordini deyarli 40 yil hech kim o'zgartira olmagan. 15 yil mobaynida Myuller "Bavariya" tarkibida raqiblar darvozasini deyarli 400 marotaba ishg'ol qilgan va 3 marotaba Evropa chempioni kubogini qo'lga kiritgan. Uning yutuqlari barcha futbolchilar uchun namuna bo'lib qolgan. Gerd Myuller ko'p sonli gollarini boshi bilan urgan, bu esa uni futbol tarixida eng yaxshi to'purar bo'lishiga sababchi bo'lgan.

Vitaliy STARUXIN

Vitaliy Staruxin Sobiq Ittifoq terma jamoasining bosh bilan o'ynaydigan eng yaxshi hujumchisi hisoblangan. 15 yillik faoliyati davomida Staruxin "Sputnik", "SKA", "Stroitel" va Shaxtyor" jamoalarida o'ynab 150 gol urishga muvaffaq bo'lgan.

Daniel PASSARELLA

Ikki karra jahon chempioni Argentina terma jamoasi himoyachisi Daniel Passarella bo'ydor bo'lmagan (1,73), ammo baland sakrashi va aqlli o'yini bilan ajralib turgan. Har doim to'g'ri poziciya tanlagan. Futbol tarixida ajoyib natija ko'rsatgan himoyachilardan biri bo'lgan. Passarella faoliyati davomida 175ta golni o'z nomiga yozdirib qo'ygan, urilgan gollardan ko'p qismini boshi bilan darvoza to'riga joylab qo'ygan.

Alan SHIRER

Alan Shirer 20 va 21 asrda faoliyat olib borishga erishgan. 1996 yildan 2006 yilga qadar Angliya futboli tarixida "Nyukasl" jamoasi sharafini himoya qilgan. Alan faoliyati davomida Premer ligada 260 gol urishga erishgan. Shulardan 46tasida boshi bilan raqib darvozasini ishg'ol qilgan. Shirer 2002 yili "Bolton"ga fantastik tarzda boshi bilan gol urgan.

TAS-IX emas

Oliver BIRXOFF

Birxoff nostandart hujumchi bo'lgan. Germaniyaliklar bekorga uni futbol tarixidagi bosh bilan o'ynaydigan eng yaxshi futbolchi deyishmagan. Birxoff kamdan-kam kuchli va aniq tarzda o'ynagan. Oliver to'pni ajoyib tarzda darvoza burchagiga yo'llaganda istalgan posbon ham bunday to'pni qaytarishga ojizlik qilardi. Birxoff 17 yillik faoliyati davomida 4ta mamlakat (Germaniya, Avstriya, Italiya va Franciya) sharafini himoya qilgan. Birxof faoliyatida 200ta gol urishiga bir nechta gol etmagan.

TAS-IX emas

Serxio RAMOS

"Hujumchi yuragiga ega himoyachi", - Ramos 2014 yilgi ECHL finalida "Atletiko"ni 4:1 hisobida mag'lub etganidan so'ng shunday degandi. Ushbu final bahsining so'ngi daqiqalariga qadar ECHL g'olibi bo'lishi kutilayotgandi. Ammo, 92 daqiqada Serxio Ramos burchakdan uzatib berilgan to'pga boshi bilan aniq zarba berib Kurtua qo'riqlayotgan darvozani ishg'ol qilgan. Qo'shimcha vaqtlarda esa "Real" 3ta to'p urib raqiblarini osonlik bilan mag'lubiyatga uchratgan. Serxio Ramos so'ngi daqiqalarda gol urish bo'yicha yaxshi natijalarni qayd etgan. Hatto uning so'ngi daqiqalarda urgan gollari jamoasiga muvaffaqiyat keltirgan. Serxio Ramos futbolchilik faoliyati davomida 90ta gol urgan. Shularning yarmidan ko'pini boshi bilan urishga erishgan.

TAS-IX emas

Jahongir Sotvoldiev tarjimasi

Dunyo futbolidagi bosh bilan urilgan fantastik 10ta gol Foto+Video