Дортмунднинг "Боруссия" клуби пешқадамлик қилаётган "D" гуруҳида асосий масалалар деярли ҳал этиб бўлинган. Юрген Клопп жамоаси ўтган турдаёқ ўз вазифаларини бажариб бўлишган. Бу турда "Боруссия Д" Лондонда сафар уюштиради. Гуруҳ етакчилари ўртасидаги баҳс қизиқарли ва томошабоп ўтишини тахмин қилиш қийин эмас. Арсен Венгер бошқарувидаги "Арсенал" ҳали кейинги босқичга йўлланмани қўлга киритгани йўқ. Агарда бугунги ўйинда ғалаба қозонилса, "Арсенал" жамоаси плей-оффга йўлланмани қўлга киритади. Агарда аксинча бўладиган бўлса, унда гуруҳнинг аутсайдералари ўртасида кечадиган "жанг"да ғолиб чиқадиган клубда яхшигина имкониятлар пайдо бўлиши мумкин. "Андерлехт"нинг ҳисобида ҳозирча икки очко мавжуд ва улар агарда "Галатасарай" устидан ғалабани қўлга киритишса, унда "Боруссия Д"нинг муваффақиятидан умид қилишлари керак бўлади.

"D" гуруҳи.

"Арсенал" - "Боруссия Д" (00:45, "НТВ ПЛЮС Футбол2")

"Эмирэйтес стэдиум"

Бош ҳакам: Виктор Кашшаи (Венгрия)

"Андерлехт" - "Галатасарай" (00:45, "Sky Sport")

"Ванден Сток".

Бош ҳакам: Иван Бебек (Хорватия)

4-турдан кейинги ҳолат

#	Жамоа	Ў	Ю	Д	М	УГ - ЎГ	Т-Н	Очк
1	Borussia Dortmund	4	4	0	0	13 - 1	12	12
2	Arsenal	4	2	1	1	9 - 7	2	7
3	Anderlecht	4	0	2	2	5 - 9	-4	2
4	Galatasaray	4	0	1	3	3 - 13	-10	1

ЕЧЛ, 5-тур. "D" гуруҳи. Лондонда "жанг" бўлади, Бельгияда "Галатасарай" меҳмон бўлади