"Zalcburg" - "Liverpul" 0:2 (0:0, 0:2)

10 dekabr, 22:55, "Zalcburg" stadioni

Gollar: Keyta 57, - 0:1, Salah 58, - 0:2.

"Zalcburg": Stankovich, Onguene, Xvang, Soboslai (Ashimeru, 90), Yunuzovich (Daka, 68), Ulmer, Minamino, Xoland (Okugava, 75), Vober, Kristensen, Mvepu

Zaxira: Koronel, Vallchi, Ramalo, Prevlyak.

"Liverpul": Alisson, Aleksandr-Arnold, Lovren (Gomez, 53), van Deyk, Robertson, Henderson, Viynaldum, Keyta (Origi, 87), Mane, Salah, Firmino (Milner, 75)

Zaxira: Adrian, Oksleyd-Chemberlen, Shakiri, Jons.

Ogohlantirish: Mane (51).

Uchrashuv yakuniga etdi. "Liverpul" Keyta va Salahning gollari evaziga g'alaba qozondi. O'yinni Nodir Abdurasulov matnli translyaciya qilib bordi. Mersisaydliklarni tabriklaymiz! Guruh jadvali

90+1. Salahning zarbasi noaniq ketdi.

- Ikkinchi bo'limga 2 daqiqa qo'shib berildi.

90. O'zgarish. Soboslai o'rniga Ashimeru tushdi.

89. Sadio Manening zarbasi noaniq chiqdi. Qarshi hujum golga aylanishi mumkin edi. Manega biroz sovuqqonlik etishmadi.

87. O'zgarish. Birinchi gol muallifi Nabi Keyta o'rniga Divok Origi tushirildi.

82. Manening juda xavfli zarbasini Stankovich bartaraf etdi. Aks holda hisob yiriklashishi muqarrar edi.

77. Zarba! Salah yana bir bor nomini tabloga yozdirib qo'yishga yaqin keldi. Stankovichdan ajoyib seyv bo'lmaganda, balki gol bo'lardi.

75. O'zgarishlar. Roberto Firmino o'rniga Jeyms Milner, Erling Xoland o'rniga Okugava tushdi.

74. Alisson Beker to'pni egallab olmoqda.

74. Minaminoning zarbasi Robertosnga tegib maydon tashqarisiga chiqib ketdi. Burchak to'pi.

68. O'zgarish. Yunuzovich o'rniga Daka tushdi. Himoyachi o'rniga hujumchi tushirildi.

67. Zarba! Xvang 25 metrlardan Alisson hushyorligini sinab ko'rdi.

66. Endi Mvepu Maneni zararsizlantirmoqchi bo'ldi va fol ishlatdi. Arnoldning jarimadan bergan zarbasi keragidan ortiq aylanib ketdi.

64. Mane Mvepuni qo'pollik evaziga to'xtatdi. Extiyot bo'lishi kerak. Unda sariq kartochka bor.

58. GOL! Salah ajoyib gol urdi! Onguene to'pni Stankovichga bo'sh uzatib qo'ydi va Salah tezligi evaziga to'pni ilib ketdi. O'ng qanotga ketib qolgan bo'lsa ham, misrlik futbolchi o'ng oyog'ida bo'sh qolgan darvozani ishg'ol qilib oradagi farqni ikkitaga etkazdi!

57. GOL! "Liverpul" hisobni ochdi. Nabi Keyta Manening chap qanotdan oshirgan to'pini boshi bilan deyarli bo'sh qolgan darvozaga joylab qo'ydi, 0:1.

53. O'zgarish. "Liverpul". Deyan Lovren jarohat tufayli maydonni tark etdi. Uning o'rniga Jo Gomez tushdi.

51. Mane ogohlantirildi.

50. Qarshi hujumda Xoland to'pni gavdasi bilan o'ziga moslashtirdi va chap qanotdan hujumni Alison darvozasining yaqin pastki burchagiga berish orqali yakunlab qo'ymoqchi bo'ldi. Biroz noaniq.

50. Stankovich! U yana qutqarmoqda. Salah birga-bir chiqi bordi va darvozabonni aldab o'tayotganda Stankovich buni o'qiy oldi.

48. Manedan "klass" uzatma va Salah yana mo'ljalda adashmoqda. Bundan tashqari, o'yindan tashqari holat qayd etildi.

47. Robertsonning nishoni aniq chiqmadi. Kuchsiz va noaniq.

46. Ikkinchi bo'lim boshlandi.

- Jamoalar maydonga qaytishmoqda.

Taniqli sharhlovchi Davron Fayziev uchrashuvning birinchi bo'limi bo'yicha fikrlari bilan o'rtoqlashmoqda.

Davron Fayziev: Salah birga-bir chiqib noaniq tepdi. Keyta birga-bir chiqdi urolmadi. Endi yuqoridagi postga bog'laydigan bo'lsak, scenariy bo'yicha Zalcburgdan vendetta qaytishi kerak.

Bugun kanalimga ko'proq yozsam xayron bo'lmang, katta futbol oqshomini efirda sharhlamay uyda o'tkazish imkoniyati paydo bo'ldi. Lekin, siz bilan gaplashib o'rganib qolganman. Shu sababli telegramingizga sms yozib turaman o'yinlar haqida))

Tanaffus.

45+1. Keyta o'tkirroq burchak atrofidan zarba berdi! Stankovichdan seyv! Bo'lim yakunlandi.

- Birinchi bo'limga 1 daqiqa qo'shib berildi.

45. Birinchi bo'lim so'nggida qizillar standart vaziyatga ega bo'lishdi. Bundan ham naf chiqara olishmadi. "Napoli" o'z maydonida 3:0 hisobida g'alaba qozonmoqda va guruhda etakchi bo'lib turibdi.

43. Xoland Minaminoga zarba berish imkoniyatini yaratib berdi. Yaponiyalik futbolchining zarbasi ozgina aniq bo'lmadi. Gol bo'lganda ham hisoblanmasdi. Vaziyat ofsayd deya baholandi.

42. Maydonning har bir qarichi uchun "Zalcburg" vakillari jon-jahdlari bilan kurashishmoqda. Soboslai Robertsonga nisbatan qo'pollik ishlatdi.

41. Mvepu! Ajoyib va kutilmagan zarba! 30 metrlardan darvozani o'qqa tutdi. To'p to'g'ri Alisonning qo'liga borib tushdi.

40. Xoland to'pni o'ziga bo'ysundira olmadi, aks holda yaxshi vaziyatga chiqib ketgan bo'lishi mumkin edi.

36. Eslatib o'tamiz, Mane bugun sobiq jamoasiga qarshi harakat qilmoqda. Senegallik 2012-2014 yillarda Avstriya klubi sharafini himoya qilgan.

34. "Liverpul"da yaxshi imkoniyat. Salax uchun qulay nuqta. Zarbasi noaniq. Salax formasini tiklab olmagani sezilib qolmoqda. Yo'llagan zarbalarining birortasi aniq chiqmayapti.

29. Salax Keytaning sovg'asini qabul qilmadi va to'pni darvozaga to'g'rilab qo'ya olmadi. Nabi bu erda ajoyib o'ynadi va bo'sh qolgan Salaxni ko'ra olgandi.

24. Xoland! Erling birinchi zarbasini chap oyog'ida yo'lladi. Boshlanishi yomon emas. Qayd etish kerak, 19 yoshli norvegiyalik forvard ECHL guruh bosqichida hozirga qadar 8 ta gol urishga erishdi.

23. Ulmer himoyachini aldab o'tdi va... Uning uzatmasi bartaraf etildi. Lovren- van Deyk juftligi himoya markazida ishonchli o'ynashmoqda.

22. Xvangning urinishi muvaffaqiyatli yakunlanmadi. Uzatma kuchsiz va Alisson to'pga chiqib keldi.

20. Manedan zarba! Qaytarildi. Keytadan zarba! Himoyachi to'g'anoq bo'lishdi va Arnold noaniq zarba berdi.

19. Mersisayd klubida standart vaziyat bo'ldi. Ikkinchi qavatda mezbonlar ustun kelishdi.

17. "Liverpul" xotirjam. To'p nazoratini asta-sekin qo'lga olib mezbonlarning shashtini tushirishni udallashmoqda.

12. Mvepu qoidani buzdi va buni tabassumi bilan yuvib ketdi.

8. Mane darvozaga 25 metrlardan qoyilmaqaom burama zarba yo'lladi. Biroz noaniq.

7. Minamino! Xvang Xing Chang! Ikki qitadoshlarimiz nimalar qilishmoqda?! Ajoyib harakatlar va zarbaaaa... Alisson va uning sheriklari bir amallab to'plarni qaytarishdi.

6. Mane va Arnolddan shturm. "Qizillar" ham o'z ishlarini boshlab yuborishdi. Tempni qarang! Bu hali boshlanishi... Davom etamiz.

4. "Liverpul"dan hujum! Salah ajoyib vaziyatdan foydalana olmadi. Uning zarbasi golga aylanishiga Stankovich yo'l qo'ygani yo'q.

3. Zarba! Mvepu Alisson qo'riqlayotgan darvoza tomon ilk xavfli zarbani yo'lladi. Aniq zarba, yaxshi zarba. Lekin, Alisson o'z o'rnida.

2. Mezbonlar bosim qilishmoqda. Dastlab Xoland, keyin Xvang bosim qildi va van Deyk anchagina qiynalib bo'lsa-da vaziyatdan chiqib ketdi.

1. Uchrashuv boshlandi!

- Jamoalar maydonga chiqib kelishdi va ECHL madhiyasi yangrab o'tdi.

O'yin boshlanishiga oz qolmoqda...

ECHL. "Liverpul" 2 daqiqa ichida o'yin taqdirini hal etdi