Unda "Bavariya" - "Arsenal" va "Atletiko" - "Milan" jamoalari o'zaro bellashishadi. Bu uchrashuvlar juda ko'pchilikning diqqat etiborida bo'lishi tabiiy. Biz O'zbekiston terma jamoasi va Qarshining "Nasaf" klubi posboni Eldor Suyunov bilan bugungi o'yinlardan nimalarni kutayotgani haqida so'radik.

Bugungi har ikkala bahs ham juda qiziqarli va tomoshabop kechadi deb o'ylayman. Kuninng markaziy bahsi so'zsiz Myunxenda "Bavariya" - "Arsenal" o'rtasida bo'lib o'tadi. Bu o'yin haqida fikr yuritadigan bo'lsam, menimcha, "Bavariya" jamoasi yirik hisobda London jamoasini mag'lubiyatga uchratadi. Bu meni shaxsiy fikrim. O'yin hujumkor tarzda kechishi aniq. O'ylashimcha, "Bavariya" Arsen Venger jamoasi darvozasiga 4-5 ta gol kiritadi.

"Atletiko" - "Milan" to'qnashuvi ham futbol muxlislarini zeriktirib qo'ymaydi deb o'ylayman. Birinchi o'yinda "Atletiko" g'alaba qozongan bo'lsada, fikrimcha, bugun "Milan" klubi vaziyatni o'z tomoniga ijobiy hal eta oladi. Klarens Zeedorf boshchilik qilayotgan "Milan" jamoasi bunday turnirlarda qanday o'ynashni yaxshi biladi. Bugungi bahsda "Milan"ga tajriba as qotishi mumkin. "Bavariya" va "Milan" keyingi bosqichga yo'l oladi deb o'ylayman.

Men qaysi o'yinni ko'raman? Albatta "Bavariya" - "Arsenal" bahsini tanlayman. Bu uchrashuv keskin kurashlarga boy va asosiysi, tomoshabop bo'ladi. Men uchun "Bavariya" posboni Manuel Noyerning o'yinlari juda qiziq. Uning har bir harakatlari va seyvlari ko'pchilik qatori meni ham lol qoldirib keladi. Shuningdek, Toni Kroos va Tiago Alkantaralarning ko'rsatayotgan futboli menga manzur bo'lmoqda. Bu futbolchilar hozirda o'zining yuksalish davrida.

Diego Kosta va Mario Balotelli duelida Mario Balotellinining imkoniyatlarini yuqoriroq baholagan bo'lardim. O'ylashimcha, Mario Balotelli bugun Kurtua darvozasiga yo'l topa oladi.

Shahboz Beg'amov

Eldor Suyunov: "O'ylashimcha, "Bavariya" Arsen Venger jamoasi darvozasiga 4-5 ta gol kiritadi"