Bunda futbolchilarning hissasi katta bo'ldi. Ulardan biri Elyor Mamasolievdir. Iqtidorli o'yinchi jamoasining haqiqiy etakchisiga aylana oldi. Shu munosabat yangi yil bayramiga bag'ishlab o'tkazilgan tadbir davomida Mamasolievni suhbatga tortdik. Darvoqe, intervyu berish avvalida Elyor jamoadagi boshqa tajribali o'yinchilar borligini, ular turganida, mikrafonni olish biroz noo'rin bo'lishini takidlab, kamtarlik ham qilib qo'ydi.

- Ortda qolayotgan 2015 yil “Cementchi” va men uchun omadli yakunlamoqda deyish mumkin. Sababi jamoam birinchi ligaga qaytishini 4-o'rin bilan yakunladi. O'zimning ham faoliyatimdan ko'nglim to'ldi. Ozmi-ko'pmi jamoamning yutuqlariga o'z hissamni qo'shdim deb o'ylayman.

- Jamoamiz juda ahil. Yigitlar bir-birini to'g'ri manoda qo'llab-quvvatlaydi. Bunga eng avvalo murabbiylarning roli muhim bo'lganini aytish lozim. Sababi ular aynan futbolchilarni bir maqsad yo'lida jipslashtira oldi. O'ylaymanki yutuqlarimizning zamirida ham shu omillar yotibdi.

- “Cementchi” tarkibi bu yil yangitdan shakllantirilgani sababli birinchi bosqichda kutilgan natijani ko'rsata olmadi menimcha. Ammo ikkinchi bosqichga kelib hammasi iziga tushib ketdi.

- Har bir o'yin qiyin kechdi. Ulardan ko'proq “Obod”ga qarshi kechgan bahsni aytgan bo'lardim. Oliy liga debyutanti bilan o'yinda juda qiynaldik. Ammo ularni o'z maydonimizda taslim eta oldik.

- Kelgusi yil ham “Cementchi”da qolib jamoaga yordam bermoqchiman. Jamoada barcha sharoitlar yaratilgan. Faqat o'ynash kerak. Nasib qilsa kelgusida “Cementchi”ni kuchlilar safiga olib chiqamiz degan umiddaman.

Islombek Rustambekov.

Elyor Mamasoliev: “Joriy yil yil “Cementchi” va men uchun omadli bo'ldi”