U bilan birga o'yinning eng yaxshi futbolchisi Tiago Neves matbuot anjumanida ishtirok etdi.

"Bugungi g'alaba bizga kerak edi. Keyingi bosqichga chiqqanimizdan xursandman. Futbolchilarni tabriklayman. Endi erkin nafas olishimiz mumkin. Jamoada muammolar bor edi. Ammo shunga qaramay g'alabaga erisha oldik", - deydi Donis.

"Murabbiy aytganidek natija biz uchun muhim edi. Jamoa endi keyingi o'yinlarga bemalol tayyorgarlik ko'ramiz", - deydi Tiago Neves.

- Bugungi o'yinda bir qator vaziyatlarda futbolchilaringiz hakamga juda ham qo'pol tarzda etiroz bildirishdi. Jamoa sardoringiz boshqalarga o'rnak bo'lishi kerak emasmi. Hakam bir necha vaziyatda ularni ayadi.
- Futbolda yigitlar bor kuchlari bilan o'ynashadi. Hayajon bo'ladi, biz o'yindan oldin futbolchilarga tartibli bo'lishlarini tayinlaymiz. Lekin doim ham siz kutgan narsa sodir bo'lavermaydi.

- Sobiq futbolchi sifatida hakamning harakatlariga qanday baho berasiz?
- Hakam bugun yaxshi ishladi. Futbolchilar maydonda keskin o'ynashdi. Hakamlar ham o'z ishlarini qilishdi.

- Bugun futbolchilaringiz juda qiyin to'plarni ham qabul qilishda mahorat ko'rsatishdi. Buni arab maktablarida o'rgatishadimi yoki evropalik murabbiylar buni olib kirishmoqdami?
- Saudiya Arabistonida ish boshlaganimga 7 hafta bo'ldi. Shu bois javob berishim qiyin. Ammo murabbiy har qancha mahoratli bo'lmasin tezda futbolchilarning texnik, taktik mahoratlarini oshirib yubora olmaydi. Bunda klubdagi barcha xodimlarning mehnati yotibdi, natijasi esa tabloda...

- Bugun "Lokomotiv"ning qaysi chizig'ini kuchli baholaysiz?
- Malum bir chiziqni ustun deya olmayman. "Lokomotiv"ning o'yinlarini kuzatdim, jamoaning o'yini o'sib bordi. Barcha futbolchilar teng harakat qilishdi.

- Bugun Tiago Nevesning jarohati bordek tuyuldi, uni maydonga tushirib tavakkal qilmadingizmi?
- Undan tashqari Digao va Salim Al Davsarida ham jarohat bor edi. Men shifokorlardan futbolchining holatini so'rayman, agar tayyor deyishsa ularga imkon beramiz. Bugun ham shunday bo'ldi.

- "Al Hilol" guruhdan chiqib bo'ldi. Keyingi o'yinlarda ham asosiy va jangovor tarkib tushadimi yoki ikkinchi tarkib futbolchilariga imkon berasizmi?
- Hozirdan keyingi o'yin uchun qaysi tarkib bo'lishini bilmayman. Lekin "Al Sadd" bilan bahsda ham kuchli futbolchilar o'ynashadi.

Narzulla Saydullaev

Giorgos Donis: "Keyingi bosqichga chiqqanimizdan xursandman"