"Manchester Siti" klubi "Lans" himoyachisi Abduqodir Husanovga qiziqayotgani va u uchun 20 mln evro to'lamoqchi ekani haqida xabarlar chiqdi. PSJ, "Nyukasl" va "Tottenxem" klublari ham Husanov uchun kurashishmoqda. Abduqodir Husanovga o'z xizmatlarini ko'rsatuvchi Football Group LLC rahbari Gayrat Xasbiulin transfer masalasida "Lans" klubi Abduqodirning yo'lini to'smasligi va orzudagi transfer amalga oshishiga to'g'anoq bo'lmasligini Mirror nashriga malum qildi.

"Abduqodir o'zining poziciyasida Evropadagi eng yaxshi o'yinchilardan biri ekanligini allaqachon isbotladi. U hali yosh va har kun kuchliroq bo'lib bormoqda. Abduqodir Evropaning eng yaxshi klublarida o'ynashga munosib. "Lans" bilan aloqalarimiz juda yaxshi, hozirda klub bilan bir to'lqindamiz – biz o'yinchi uchun eng yaxshisini xohlaymiz. Agarda ehtimoliy transfer amalga oshadigan bo'lsa, klub yosh futbolchiga o'z vaqtida ishonch bildirgani uchun munosib ravishda katta mukofotga ega bo'ladi", -deydi Gayrat Xasbiulin.

Husanovning agenti Mirror nashriga Abduqodirning atrofidagi vaziyat haqida gapirdi