"O'yinni ko'rdingiz. Mehmonda "Paxtakor"ga qarshi teng o'yin ko'rsatdik deb o'ylayman. Birinchi bo'limni olib qaraganda ham 5-6 ta vaziyatlarimiz bo'ldi. Futbol shunday sport turiki, unda yaratilgan imkoniyatlardan foydalanishingiz kerak. Biz qo'limizdan kelgancha harakat qilyapmiz. Balki mavsumdagi eng yaxshi o'yinlarimizdan birini o'tkazgandirmiz. Lekin bu ochko olib kelmadi",- deydi Zeytullaev.

- Jamoaga kelganingizdan beri qanday o'sish kuzatildi?

- "Bunyodkor"da shtabimiz bilan ishga kirishganimizda oxirgi o'rinda borayotgan edik. Hozir bir pog'ona yuqoridamiz. Progressga kelsak, har bir o'yinda 15 ga yaqin xavfli vaziyatlar yaratyapmiz. Lekin foydalana olmayapmiz.

- Vaziyatlarni golga aylantira olmaslik ruhiy holat bilan bog'liqmi? Deylik bugunning o'zida Ismonalievda qulay imkoniyat yuzaga kelgandi...

- Yigitlar ruhiy tomondan bosim his qilishmoqda. Men ham bu jarayonni boshimdan o'tkazganman. Mahorat bor. Usmonali "Lokomotiv" bilan o'yinda gol urib g'alabaga hissa qo'shgandi. Oldimizda katta tanaffus. Tiklanib olib, ikkinchi davraga tayyorgarlik ko'ramiz. Hammasi mehnat evaziga keladi. Muxlislarni xursand qilishni juda istamoqdamiz. Lekin bu narsa o'xshamayapti.

- Serbiyaga ketgan Amirbek Saidov va rus klublariga o'tishi kutilayotgan Amir To'raqulov haqida nima deya olasiz?

- Bu savolni rahbariyatga bergan maqul. Amirbek Saidovga omad tilayman. Masalan, bugun o'rning bilindi. Amir To'raqulovga qaysidir klublar qiziqayotgani haqida eshitdim. Unda futbolchiga hos barcha sifatlar bor, iqtidorli o'yinchi. Nafaqat Rossiya chempionati, Evropada ham o'ynab keta oladi.

- Temurxo'ja Abduxoliqov jamoa sardori, o'zida katta masuliyat his qiladi. U hech bilan urishmadi, shunchaki himoya qildi. Yana gaplashamiz, keyingi safar bunday narsalarga emas, gol urishga energiya sarflaydi degan umiddaman.

- Bunday asabiy va katta bosim holatida joyingizni yo'qotib qo'yishdan qo'rqmaysizmi? To'g'ri, jamoa o'yinni o'zgartirgan. Lekin...

- Men joyimdan qo'rqmayman. Ertaga nima bo'lishini bilmaymiz. Murabbiy hayotida bo'ladigan narsa. Rahbariyat mendan bo'shatishni va boshqa odam kelishini aytsa men faqat "Bunyodkor"ning muxlisi bo'lib qolaman. Murabbiylar shtabimdan minnatdorman. Yaxshi kunda ham, yomon kunda ham katta yordam berishmoqda.

Ilyos Zeytullaev: "Men joyimdan qo'rqmayman. Ertaga nima bo'lishini bilmaymiz"