"Inter" va "Napoli" uchrashuvi gollarga boy bo'lmagan bo'lsada, kurashlarga boy, juda qiziqarli kechdi desak mubolag'a bo'lmaydi. Birinchi daqiqadayoq Ikardi raqib darvozasi to'sinini poyladi

Bu A Seriya va top-5 tarixidagi eng tez urilgna gol bo'lardi, chunki to'p darvozaga o'yinning 3-soniyasida etib bordi. Italiya chempionatining hozirgi rekordi "Pyachenci" azosi Paolo Pojiga tegishli. 2001 yil ushbu futbolchi "Fiorentina" darvozasini 8-soniyadayoq ishg'ol qilgandi.

Kutilmagan zarba bilan start olgan o'yinning oxirgi daqiqalari ham ajoyib o'tdi. Bir qarashda ilojsiz vaziyatlarda darvozabonlar jamoasi joniga oro kirdi, yana bir vaziyatda "Inter" darvozasiga kirib ketayotgan to'pni himoyachi qaytarishga erishdi, Kulibali hakamni "olqishlagani" uchun arbitr unga ertaroq "dam berib yubordi", keyin esa Lautaro Martines g'alaba to'pini kiritdi.

So'nggi daqiqalarda gol urish bu mavsum "Inter"ning o'ziga xos "fishka"siga aylandi.

• 86-daqiqadan keyin "Inter" 9 ta gol urdi. Jamoa A Seriya va ECHL bahslarida raqiblari darvozasini 36 bor ishg'ol etgan. Yani "neradzurri"lar gollarining 1/4 qismini oxirgi daqiqalarda kiritganlar.

• Ushbu 9 golning 6 tasi o'yin natijasini o'zgartirgan. Faqatgina Politanoning "Kalyari"ga, Joao Mario va Naingollanning "Jenoa" darvozasiga urgan gollari natijaga tasir qilmay, faqatgina tablodagi hisobni o'zgartirgan.

• Agar 86-daqiqadan keyin urilgan shu 9 gol bo'lmaganida, "Inter" ECHL pley-off bosqichidan ancha avval umidini uzgan bo'lardi.

Ichki chempionatda ham ishlar hozirgidek, ishonchli 3-o'rin bo'lmasdi. O'sha gollarni olib qo'ysak jamoa avtomatik ravishda 30 ochko bilan 5-pog'onaga tushib qoladi. Va aksincha "Lacio" (31 ochko bilan) uchinchi, to'rtinchi – "Sampdoriya" (30 ochko, to'plar nisbatiga ko'ra: +12) bo'lar edi.

Yaqin o'tmishda Angliya tomonlarda Fergi-taym degan ibora bo'lardi-a, ana sizga Spaletti-taym!

"Inter" - so'ngi daqiqalar qiroli