Футбол мактабида 2002 йилдан 2008 йилгача бўлган болалар таҳсил олишлари мумкин.

Ушбу мактабга болаларни саралаб олиш мақсадида дастлабки кўрик ўтказилади. Кўрик 14 июнь санасида Тошкентдаги “Тўқимачи” стадионида ташкиллаштирилади. Фарзандларини кўрикка олиб келишни истаганлар 14 июнь шанба куни соат 08:00 да “Тўқимачи” стадионига олиб боришлари мумкин. Футбол мактабига ёшларни саралаш жараёни бир ой давом этади, саралашдан муваффақиятли ўтган ва мактабга қабул қилинган болалар махсус спорт экипировкалари билан таъминланади. Мактаб тарбияланувчилари машғулотларни “Тўқимачи” стадионида олиб боришади. 2002 йилдан 2008 йилгача бўлган болалар ўз ёш тоифаларида Тошкент шаҳар биринчилигида 2-босқичдан бошлаб норасмий тарзда иштирок этади. Тошкент шаҳар биринчилиги иккинчи босқичи июль ойидан бошланади.

Машғулотларни узоқ йиллар давомида биринчи лига жамоаларида фаолият олиб борган ва ҳозирги кунда "Истиқлол" ФК бош мураббийи ҳисобланган Камол Жўнашев бошчилигидаги мураббийлар олиб боришади.

Фарзандини кўрикка олиб боришни хоҳловчилар 086 ҳажмдаги тиббий маълумотнома, туғилганлик ҳақида гувоҳнома ҳамда спорт кийими олиб боришлари лозим бўлади.

Мураббийлар:
Камол Жўнашев – Катта мураббий (“А” лицензияга эга)
Ахрор Рустамов – Мураббий (“С” лицензияга эга)
Отабек Холдоров – Дарвозабонлар мураббийи (“С” лицензияга эга)
Фарход Султонов – Мураббий

Маълумот учун +99890 6343716 рақамига қўнғироқ қилишингиз мумкин.

“Истиқлол” болалар ва ўсмирлар футбол мактабига танлов эълон қилади