Futbolimiz vatani sanaladigan ushbu shahar har doim o'zining mashhur futbolchilari bilan maqnatib kelgan. So'nggi yillarda “Qo'qon-1912” jamoasi bolalar futboliga katta etibor qaratib kelmoqda. Buning natijasida klub o'z safini iqtidorli o'yinchilar bilan boyitib bormoqda. Ayni damda asosiy tarkibda bir nechta Qo'qon futboli tarbiyalanuvchilari to'p surishmoqda.

Uzoq yillik rejalar asosida ish olib borayotgan jamoamiz bundan bir necha yil oldin “Jajji shunqorchalar” guruhini tashkil etgandi. Bugungi kunga kelib, “Jajji shunqorchalar” murabbiy Murodjon Sultonov qo'li ostida mashg'ulotlarni olib borishmoqda. Jajji futbolchilari “millionlar o'yini” sirlarini qunt bilan o'zlashtirib borishmoqda. Mashg'ulotlar boshlanganiga ko'p vaqt bo'lmagan bo'lsa-da, ularning to'p bilan qilayotgan harakatlarini ko'rib kishining havasi keladi.

Quyida “Jajji shunqorchalar” mashg'ulotidan olingan fotosuratlar bilan tanishing:

“Jajji shunqorchalar” futbol sirlarini qunt bilan o'zlashtirib borishmoqda