O'yin haqida

- Og'ir o'yin bo'ldi. "Andijon" jamoasi juda qattiq qarshilik ko'rsatdi. G'alaba qozonishimiz ham mumkin edi, biroq hisobni ushlab qola olmadik. Uchrashuvning ikkinchi bo'limi og'ir to'qnashuvlar va keskin qarama-qarshiliklarga boy o'tdi. Jamoamizni qo'llab-quvvatlab turgan muxlislarga minnatdorchilik bildiraman.

- Sizda istefo berish rejasi bormi?

- Klub rahbariyati qaror qabul qiladi. Ular vaziyatni ko'rib turishibdi. O'z maydonimizda o'ynamayapmiz, yo'qotishlarimiz bor. Chempionatning bironta o'yinini oson o'tkazganimiz yo'q. Har bir uchrashuvda qattiq qarshiliklarga duch kelayapmiz. Murabbiylar shtabi bo'yicha qarorni rahbariyat beradi.

- Transferlar taqiqi borligi jamoani qiyin ahvolga solib qo'ymaydimi?

- Klubimiz rahbariyati ayni masala yuzasidan ishlayapti. Vaziyat ijobiy tomonga o'zgarishiga umid qilayapmiz. Hozir hech kimga oson emas.

- Shahboz Jo'rabekovning o'yinlarida pasayish bordek...

- Har bir futbolchida shunaqa davrlar bo'lib turadi. Uning iqtidori bor, jamoamiz uchun foydali jihatlari ko'p. O'yinlar davomida yana avvalgi darajasiga qaytib oladi.

Jamshid Saidov: "Klubimiz rahbariyati transfer taqiqi yuzasidan ishlayapti"