Mashhur sportchilarning selfilari tasvirlangan video 3 dekabr kuni YouTube’da paydo bo'ldi.

Turkiyaning Turkish Airlines aviakompaniyasi reklama kampaniyasining bir qismiga aylangan ushbu videorolik Messi, Moskvadagi Qizil maydonda o'zini o'zi suratga olgani holda, Kobi Brayantni bahsga chorlashi bilan boshlanadi. Kobi futbolchiga Buyuk Xitoy devorida tushirilgan surat bilan javob beradi. Rolik davomida sport yulduzlari suv ostida, tog'larda, cho'lda suratlarga tushib, oxiri Istanbulga etib kelishadi.

Kobi Brayant va Lionel Messi Turkish Airlines reklamalarida birinchi marta suratga tushayotgani yo'q. Turk aviatashuvchisining ushbu yulduzlar ishtirokidagi avvalgi roligi elon qilinganidan keyingi besh kun davomida 20 million martadan ko'proq tomosha qilingan edi (ushbu xabar yozilayotgan vaqtda rolikni tomosha qilganlar soni 105 milliondan oshgandi). Avvalgi rolik syujeti sportchilar samolyot saloniga kirgan bola diqqatini har turli yo'l tortishi asosiga qurilgandi.

O'z-o'zini mobil telefonga suratga tushirish ijtimoiy tarmoqlar sabab urf bo'ldi. Instagram esa celfilarni chop etish uchun eng ommabop joyga aylangan. Instagram foydalanuvchilari shu kungacha tegishli teg (#selfie) ostida shu kungacha 53 milliondan ortiq suratni chop etishgan. O'z-o'zini suratga olishning ommalashuvi Oksford ingliz tili lug'ati tuzuvchilarini selfieni yil so'zi sifatida tan olishga majbur qildi.

Kobi Brayant o'z-o'zini suratga olish bo'yicha Lionel Messi bilan musobaqalashdi