"Liverpul" "Benfika" markaziy himoyachisi Antoniu Silvaga qiziqish bildirmoqda. Bu haqda "A Bola" nashri xabar bermoqda.

Manbaga ko'ra, Lissabon klubi 19 yoshli futbolchini 60 million evroga baholamoqda.

Qayd etilishicha, Yurgen Klopp jamoasi himoya chizig'idagi o'yinchilar bilan muammoga duch kelayotgani uchun Silvaning transferiga qiziqish bildirmoqda. "Liverpul"ning ko'plab futbolchilari jarohat olgan va bu omil portugaliyalik vunderkindning yangi jamoaga o'tishini tezlashtirishi mumkin.

Hozir Silva Portugaliya terma jamoasi bilan Qatardagi Jahon chempionatida qatnashmoqda. U 1 ta o'yinni to'liq o'tkazdi – Janubiy Koreya bilan (1:2).

"Liverpul" 19 yoshli Silva bilan shartnoma imzolashga tayyor