"Biz o'tgan mavsumda Evropa chempionlar ligasida o'ynash qanchalik qiyin ekanligini tushundik. "Manchester Siti"da juda yaxshi jamoa shakllanmoqda. Ular ECHLda muvaffaqiyatli o'ynashlari mumkin. Lekin futbolda har doim ham kuchli tarkibga ega bo'lib g'alabani cho'ntakka solib bo'lmaydi. Ularda kuchli ijrochilar bor. Raxim Sterling juda ajoyib futbolchi. Unga bo'sh hudud berib qo'yish raqib jamoaga qimmatga tushishi aniq. Sterlingni imkon qadar ko'z oldingizda olib yurishingiz zarur. Uni zararsizlantirishning birgina yo'li shu. Biz o'tgan mavsumdagi natijani takrorlay olamizmi? Albatta. Biz shunga harakat qilishimiz lozim avvalo. Bu yili esa o'tgan safargidan ham qiyinroq bo'ladi. Chunki ko'pchilik bizdan yanada yuqoriroq natijani kutishadi. Mavsum starti? Bu futbol. Masalan "Udineze"ga qarshi bahsda bizda gol urish uchun 6-7ta imkoniyat vujudga kelgandi. Raqibda esa bitta vaziyat bo'ldi va gol urishdi. Bunday holatlar bo'lib turadi", - deydi Stefan Lixtshtayner.

Lixtshtayner: "Biz o'tgan yilgi muvaffaqiyatni takrorlashga qodirmiz"