Unga ko'ra, bir qator futbolchilar va rasmiylarga nisbatan turli xil sankciyalar qo'llanildi.

Coca Cola Superliga
Uchrashuv: "Lokomotiv" – "So'g'diyona"
Jarimaga tortildi: Slavko Damyanovich ("Lokomotiv" futbolchisi )
Sabab: Bosh hakam shaniga haqoratli so'zlar ishlatgani uchun
Qaror: 3 ta uchrashuvga diskvalifikaciya va jarima intizom chorasi

U-21 Birinchiligi
Uchrashuv: "So'g'diyona U-21" – "Paxtakor U-21"
Jarimaga tortildi: Oybek Nurmatov ("So'g'diyona U-21" futbolchisi )
Sabab: Raqib futbolchisiga qasddan tirsagi bilan zarba bergani uchun
Qaror: 3 ta uchrashuvga diskvalifikaciya va jarima intizom chorasi

Futzal bo'yicha O'zbekiston chempionati

2019 yilning 17 dekabr kuni futzal Oliy ligasining AGMK – "Paxtakor" jamoalari o'rtasidagi final uchrashuvidan so'ng "Paxtakor" jamoasi azolari Avazbek Abduvaliev, Dilshod Irsaliev, Akmal Hazratqulov va Feruz Faxriddinov ommaviy janjal keltirib chiqargan edi. O'FA Tartib-intizom qo'mitasining 2019 yil 19 dekabr sanasidagi yig'ilishida ushbu futzalchilarga nisbatan intizomiy choralar ko'rilgan edi.

"Paxtakor" futzalchilari 2020 yilning 22 iyun kuni o'z ishidan pushaymonligi, ushbu ish qayta takrorlanmasligini bildirib, murojaat qilishgani va pandemiya sharoitidan kelib chiqib, mazkur futzalchilarga belgilangan chetlashtirish choralari qayta ko'rib chiqildi. Unga ko'ra:

Avazbek Abduvaliev, Dilshod Irsaliev va Akmal Hazratqulovga nisbatan 10 ta uchrashuvga chetlashtirish intizom chorasi 5 ta uchrashuvga almashtirildi va jarima intizom chorasi qo'llanildi.

Feruz Faxriddinovga nisbatan 20 ta o'yinga diskvalifikaciya qilish chorasi esa 10 ta o'yinga qisqartirildi va jarima intizom chorasi qo'llanildi.

"Lokomotiv" legioneri 3 o'yinga chetlashtirildi, "Paxtakor" futzalchilarining jazolari engillashtirildi