Xabaringiz bor, kuchli er silkinishi tufayli Turkiyada ko'plab binolar quladi hamda minglab qardoshlarimiz halok bo'ldi.

Shu kunlarda O'zbekiston jamoatchiligi turk birodarlarga madad berish maqsadida yordam qo'lini cho'zmoqda. Xususan, bugun Toshkentdagi Fashion Hall biznes markazida zilziladan jabr chekkanlarga turli buyumlar hamda kiyim-kechaklar yordam sifatida qabul qilinmoqda.

"Lokomotiv" PFK rahbariyati tashabbusi bilan yuqoridagi manzilga sport kiyimlari etkazib berildi. Bunday og'ir vaziyatda Turkiya xalqiga har qanday yordam qo'lini cho'zsak arziydi.

Yordam berishni xohlovchilar bugun 20:00gacha Yakkasaroy tumani, Bobur ko'chasi, 30-uyga turli buyum va narsalarni olib keliishlari mumkin.

"Lokomotiv" zilziladan jabr chekkanlarga yordam qo'lini cho'zdi