Championat.asia sayti talqiniga ko'ra 11-turning eng yaxshi darvozaboni – Pavel Pavlyuchenko ("Paxtakor")

"Paxtakor" bu tur o'z maydonida Namanganning "Navbahor" klubini qabul qildi va durang o'ynadi. Uchrashuv davomida Pavlyuchenko darvozasidan to'p olib chiqmadi va bir necha bor jamoasi joniga ora kirdi. Ayniqsa, birinchi taymdagi seyvlari yodda qolarli bo'ldi. Shu tariqa Pavlyuchenko turning eng yaxshi posboni sifatida etirof etildi.

Championat.asia sayti talqiniga ko'ra 11-turning eng yaxshi murabbiyi – Samvel Babayan ("Navbahor")

Samvel Babayan qo'l ostidagi "Navbahor" bu tur Toshkentga safar uyushtirib "Paxtakor" bilan 0:0 hisobida durang qayd etdi. "Paxtakor"ga safarda mag'lub bo'lmagan Samvel Babayan shogirdlari bu mavsum Superligada yutqazmagan yagona jamoa bo'lib turibdi. Shunday qilib, "Paxtakor" bilan jangovar durang qayd etgan "Navbahor" ustozi Samvel Babayan turning eng yaxshi murabbiyi deb topildi.

Championat.asia sayti talqiniga ko'ra 11-turning eng yaxshi futbolchisi – Rustam Turdimurodov ("Andijon")

"Andijon" bu tur safarda "Qizilqum"ga qarshi o'ynadi va 3:3 hisobida durang qayd etdi. Chetlatishlar tufayli kamchilikda qolgan "burgutlar" shu kuni juda qiyin durangga erishishdi. Mehmonlar hujumchisi Rustam Turimurodov 44 va 78-daqiqalarda to'p kiritib, jamoasining mag'lubiyatga uchramasligiga katta hissa qo'shdi. Shu tariqa Rustam Turdimurodov 11-turning eng yaxshi futbolchisi deb topildi.

Championat.asia sayti talqiniga ko'ra 11-turning eng chiroyli goli muallifi – Rustam Turdimurodov ("Andijon")

Rustam Turdimurodovning 44-daqiqada urgan goli juda ham chiroyli chiqdi va championat.asia sayti talqiniga ko'ra, turning eng chiroyli goli deb topildi.

Markaziy o'yinda yutqazmagan murabbiy, legioner posbon va "Andijon" hujumchisi - Superligada 11-turning eng yaxshilari