ПСЖ ҳужумчиси Килиан Мбаппе "Реал Мадрид"нинг режаларига кирмайди. Бу ҳақида El Chiringuito нашри хабар берди. Манбанинг хабар беришича, "Реал" Мбаппени клубга олиб келиш ниятида эмас.

Аввалроқ, Мбаппе ПСЖ клубини тарк этишни истаётгани ҳақида хабарлар тарқалганди.

Эслатиб ўтамиз, ушбу мавсум бошланмасидан аввал "Реал" Мбаппе билан шартнома имзоламоқчи эди. Аммо Килиан ПСЖда қолишни танлади ва клуб билан янги шартнома имзолади.

Бир неча кун олдин эса Флорентино Перес мухлисларга дастхат бераётган пайтида Мбаппени клубга олиб келмаслик ҳақидаги илтимосга "Бечора йигитча аллақачон қароридан афсусланаётган бўлса керак", -деб жавоб берганди.