“Шахсан мен сабрсизлик билан турнирлар бошланишини кутаяпман. Мухлисларсиз ғалати атмосфера бўлишини биламиз.

Мен қачонлардир бўш трибуналарда тўп тепганимда, бу ҳолат ростан ҳам ноодатий туюлганди. Шу сабаб оила даврасидан ажралиб, тўп тепишни истамаслигимиз ҳам бор гап. Аммо барчаси қай тарзда кечишини кузатамиз.

Вирусга чалиниши эҳтимоли ҳар доим мавжуд. Уйдан чиқдингми, хавф сени кутиб туради. Шу сабаб бу ҳақда кўп ўйлаш ҳам керак эмас, акс ҳолда шунчаки уйдан чиқишга ҳам ҳафсала қолмайди.

Бу борада барча тартиб қоидага амал қилиш кераклигини тушуниб турибмиз. Машғулотларга қайтиш бу биринчи қадам. Сўнгра карантин билан боғлиқ тартибларга амал қилган ҳолда кейинги қадамларни ҳам ташлаш лозим бўлади”, дейди Месси.

Месси коронавирус ҳақида: “У ҳақда кўп ҳам ўйлаш керакмас, акс ҳолда уйдан чиққинг келмай қолади”