- Bizni qo'llab quvvatlagan muxlislarga o'z minnatdorchiligimni bildiraman. Mag'lub bo'lganimizga qaramay, shogirdlarim muxlislarga yoqadigan o'yin namoyish etishdi.

- Oybek Rustamovning kutilmagan jarohati o'yinga qanchalik tasir o'tkazdi?

- Bugun maydondan tashqarida ham jarohat olgan futbolchi bor ekan hatto. Yigitlar o'yinni yomon boshlashmadi. Birinchi o'tkazib yuborgan golimizni bartaraf etsak bo'lar edi. Maqsad bo'lmasa futbol o'ynash qiyin. Savolga keladigan bo'lsak, Oybek bugun tartibli o'ynayotgandi, ammo kutilmaganda jarohat oldi. Bu futbol, futbolda shunday bo'lib turadi

- Vitaliy Denisovning bugungi o'yiniga qanday baho berasiz. U bugun ko'p xatolarga yo'l qo'ydi menimcha.

- Bugun nafaqat Vitaliy, balki boshqa futbolchilarda ham hayajon sezildi. Oddiy vaziyatlarda to'p yuqotdiq. Hujum qiladigan vaziyatlarda ham to'pni ko'p ishlab yubordik. Bugungi o'yinda g'alaba qozonmagan bo'lsak ham, bugungi o'yin muxlislarga yoqdi deb o'ylayman.

- Bugungi o'yin atrofidagi "ajiotaj" jamoaning zarariga ishladimi yoki foydasiga?

- Avvalambor bugungi uchrashuv katta bayram. Bunday yulduzlar olib kelish oson ish emas. Joriy mavsumdagi ishtirokimiz bizga katta malaka bo'ldi. Bugungi o'yin oldidan bo'lgan "ajiotaj" yaxshi holat. "Bunyodkor"da vaqtim "Ozodi" stadionida o'yin o'tkazgan edik va o'shanda 96 ming muxlis o'yinga tashrif buyurgan edi. Albatta bu quvonarli.

- O'yingacha futbolchilar bilan ruhiy jihatlama ishlashga vaqt bo'ldimi va Benzema kabi yulduzlarning bosimi qanchalik tasir o'tkazdi?

- Futbolchilarning o'zi bugun bilib olishdi. Ular bemalol har bir raqibga qarshi o'ynay olishadi. Baribir qaysidir manoda hayajon bo'ladi. Futbol o'ynagan insonlar buni bilishadi.

Mirjalol Qosimov: "Bugun shogirdlarim muxlislarga yoqadigan o'yin namoyish etishdi deb o'ylayman"