- Finalga yana bir qadam tashlaganimizdan xursandman. Birinchi bo'lim avvalida uchrashuvni yomon boshlamadik. Ammo futbolda shunday narsa bor, har doim ruhan tayyor turish lozim. Futbolchilarda birinchi uchrashuv natijasi miyalarida qolgani sezilib qoldi va biroz o'yin tizginini qo'ldan chiqardik.
Bugun birinchi taymda bir qator futbolchilarni tanimadim. Ular o'z imkoniyatlari darajasida o'ynay olishmadi. Tanaffusdan esa ular bilan gaplashib oldik va ikkinchi bo'limda vaziyat o'zgardi.

- Muxlislar kamligi o'yin sifatida qanday tasir qiladi?
- Avvalambor futbol muxlislar uchun o'ynaladi. Birinchi bo'limda ochiq futbol bo'ldi. Biz endi o'z o'yinimizni ko'rsatib ularni stadionga qaytarishga harakat qilamiz.

- Istaysizmi yo'qmi, muxlislar, jurnalistlar uchun Qosimov - Abramov to'qnashuvi mavjud. Siz bu uchrashuvga jamoalarni to'qnashuvi sifatida qaradizmi, yoki Abramov bilan principial bahsga tayyorgarlik ko'rgandekmi?
- Bugungi o'yinga men uchun "Bunyodkor" - "Neftchi" qarama-qarshiligi sifatida qaradim. Meni bu narsalarni hech qachon qiziqtirmagan. Bu jurnalistlar yoki muxlislar uchun qiziqdir. Barchaning o'z fikri bor.

- Jamoani juda qiyin holatda qabul qilib olgandiz. Hozir esa jamoa ancha o'zini o'nglab oldi. Shu o'tgan vaqt mobaynida siz aynan nimaning hisobiga vaziyatni yaxshi tomonga o'zgartira oldingiz?
- Avvalo futbolchilar bilan aloqani kuchaytirdim. Aloqa orqali jamoani o'zgartirdim. Ularga kerakli maslahatlar, qaerda xato va kamchiliklarga yo'l qo'yishayotgani haqida tasvirlar orqali tushuntirdim. Shunchaki quruq gap orqali ularga buni tushuntirish qiyin bo'lardim. Eshitib, keyin qulog'idan chiqib ketishi mumkin. Shunga urg'u berdim. Keyin esa "Bunyodkor"da o'ynayotgani, bu jamoa sharafini himoya qilayotganda masuliyat bilan o'ynash kerakligini takidladim. Ko'kragidagi klub logotipi va undagi bir yulduzcha o'z-o'zidan paydo bo'lib qolmaganini tushuntirdim. Buning zamirida nafaqat ularni yoki klubni, boshqa o'ynab ketgan va shu jamoaga jon kuydirgan bir qator insonlarni mehnati singanini tushuntirdim. Ularni miyasiga shu narsani singdirishga urindim. Qaysi jamoada o'ynayotganini va jamoa shanini to'liq his etishi uchun ularga buni yaxshi tushuntirishga harakat qildim.

- Avgust oyida terma jamoamizni muhim o'yin kutib turibdi. Shu munosabat bilan terma jamoa bosh murabbiyi Babayan sizga bazi futbolchilarni bu poziciyada emas, boshqa nuqtada, yoki bu futbolchini to'liq emas, balki bir taym o'ynatishni so'rasa qanday yo'l tutasiz?
- Biz terma jamoaga futbolchi etkazib beramiz. Istagan futbolchisini chaqirishi mumkin. Lekin "Bunyodkor"ni o'z yo'nalishi va maqsadi bor. Masalan Gazzaev yoki Mourinyuga biror murabbiy shu talabni qo'ya olarmikan yoki ular bunga qanday javob qaytararkin? "Bunyodkor"dan xohlagan futbolchini taklif etishlari mumkin. Ammo "Bunyodkor"ni o'z yo'nalishi bor va bizlarni ham hurmat qilishlari kerak.

Mirjalol Qosimov: "Futbolchilarga "Bunyodkor"ning logotipidagi yulduz qaerdan paydo bo'lib qolganini tushuntirish orqali ularni o'zgartirdim"