- O'yin haqida

- Hayit ayommi bilan barchani qutlayman. O'yindan ko'nglim to'lmadi. Futbolchilar maydonga g'alabani qo'lga kiritib bo'lgandek tushishdi. Bugun yaxshi o'ynay olmadik. "Surxon" jamoasi esa bugun haqli g'alabani qo'lga kiritdi. So'ngi 15 daqiqada jonlandik va hujum qila boshladik. Lekin o'yin so'ngida hujum qilishni boshlab g'alaba qilishning iloji yo'q.

- O'yin so'ngida jamoangiz hujumlari ko'paydi. Buning asosiy sababi esa yosh futbolchilar Abdurazzoqov va Holmurodovlarning maydonga tushirilgani. Ikki yosh futbolchini ertaroq o'yin qo'shish varianti yoki asosiy tarkibda imkoniyat berib ko'rish haqida o'ylab ko'rdingizmi? Yosh futbolchilar tezkor va jismoniy tomonlama ham ancha kuchli. Holmurodov bugun gol ham urdi va to'p bilan yaxshi muomala qila olishini isbotladi.

- Futbolda g'alaba va mag'lubiyat yonma-yon yuradi. Jamoa bilan birga bo'lsangiz barcha savollaringizga javob topasiz. Yosh futbolchilar har doim o'z ustida ishlashi kerak. Ular asosiy jamoaga keldi va buyog'iga asosiy tarkibdan joy oladi degan emas. Holmurodov Turkiyadagi yig'in doirasida 6ta uchrashuvda ishtirok etdi va 4ta gol urdi, ammo Superliga o'yinlarida esa gol urmadi. Aziz hali o'z ustida ko'p ishlashi kerak. Mehnat qilsa yaqin orada terma jamoa safida bo'lishi ham mumkin.

- "Surxon" klubi OKMK uchun noqulay raqib bo'lib qoldi. Sizning fikringiz qanday? Asadbek Karimovning o'yinini ko'rdingiz. Karimov o'tgan mavsum ham OKMKga gol urgandi.

- Futbolda noqulay va omadsiz raqib degan tushunchalarga etibor bermayman. "Surxon" safida bitta Asadbek Karimov o'ynamadi. Maydonga chiqib yaxshi futbol namoyish etish kerak va shundagina noqulay raqiblar qolmaydi.

Mirjalol Qosimov: "Futbolda g'alaba va mag'lubiyat yonma-yon yuradi"