Учрашувдан сўнг терма жамоамиз ҳужумчиси Руслан Жиянов микст-зонада фикрларини билдирди.

Бугун ҳаммамиз боримизни бердик. Мухлислар учун ҳам ўйнадик. Агар улар доим бизни шундай қўллаб туришса, биз янада кучлироқ ўйин кўрсатамиз.

Бугунги ўйинда мураббийнинг тактикаси яхши ишладими ёки футболчиларнинг маҳорати барчасини ҳал қилдими?

- Албатта мураббийларимизнинг тўғри тактикаси ўйинни ҳал қилди. Мураббийнинг кўрсатмаларимиз жамоа жамоа бўлмайди. Бугунги ўйинда мураббийнинг тўғри тактикаси ва футболчиларнинг маҳорати сабабли ғалаба қозондик.

Бугунги ўйин шу даражада йирик бўлиб кетишига ишонганмидингиз?

- Барчамизнинг мотивациямиз кучли эди. Шунча мухлисларнинг олдида ғалаба қозонишимиз шарт эди.

Жамоанинг имкониятларидан келиб чиқиб, Эронга қарши ўйинда қандай ҳисоб қайд этилади?

- Барчаси яратгандан. Аниқ ҳисобни айтолмайман, биз фақат ҳаракат қиламиз.

Бугунги ғалаба кейинги ўйинларга қандай таъсир қилади?

- Бу ғалаба бизга янада кўпроқ куч беради. Бугунги ўйинда яхши ҳаракат қилишимизга мухлисларнинг ўрни ҳам беқиёс.

"Mixed zone". Руслан Жиянов: «Мураббийларимизнинг тўғри тактикаси ўйинни ҳал қилди»