"Олимпик" билан кечган Тошкент дербисида "темирйўлчилар" 3 очкога эга чиқди. Учрашувдан сўнг меҳмонлар футболчиси Муҳаммаданас Ҳасановнинг фикрлари билан қизиқдик.

"Чемпионат бошланганига кўп бўлгани йўқ. Шу боис айтишим мумкинки, "Локомотив" ўйиндан-ўйинга шаклланиб боряпти. Ўйинимиз бундан ҳам яхши даражага чиқиб олса, мухлисларни янада кўпроқ хурсанд қиламиз. "Олимпик" ҳам яхши шаклланган жамоа эди. Муҳим ғалабага эришдик. Голдан сўнг ҳисобни сақлаб қолишга ҳаракат қилмадик. Ўйин сўнггида гол уриш учун бир нечта яхши имкониятларимиз бўлди. Ҳисоб бошқача бўлиши мумкин эди. Ҳар бир ўйинда режа асосида майдонга чиқамиз. Иккинчи ўйинда ҳам охирги дақиқаларда фаол кўринаётган бўлсак, демак бу режамизнинг бир қисми.

"Пахтакор" билан қисқача айтганда жанг бўлади. Шу куни биз кучлироқ таркиб билан ўйнаймиз. Санжар Турсунов, Собит Синдаровнинг дисквалификацияси тугади. Навбатдаги дербига ҳам жиддий ҳозирлик олиб борамиз. Мураббий биздан нима талаб қилаётган бўлса, максимал даражада бажариш учун боримизни берамиз",- дейди Муҳаммаданас Ҳасанов.

Муҳаммаданас Ҳасанов: "Олимпик" устидан муҳим ғалабага эришдик. "Пахтакор" билан жанг бўлади"