"Ҳамма ажойиб формада ва тайёргарлик юқори даражада бўлди. Яхши ният билан йўлга чиқдик ва халқимиз олдига муносиб натижа билан қайтмоқчимиз. Ҳаммамизни ниятимиз мухлисларни хурсанд этишдир", - деди Нажмиддин Нормуродов.

- Жаҳон чемпионатида муносиб иштирок этиш учун жамоа футболчиларини салоҳияти етади деб ўйлайсизми?

Албатта етади. Имкониятимиз юқори деб ўйлайман. Гуруҳдаги барча рақибларни ўйин услубларини ўрганиб чиқдик. Уларнинг етакчи футболчилари ҳақида маълумотлар олдик. Мураббийлар бу бўйича кўрсатмалар бериб ўтди.

- Жамоага энг кўп ҳимоя чизиғи вакиллари жалб этилган. Бу термамизнинг ҳимоявий ўйин кўрсатишидан далолатми?

Мени фикримча биз чемпионатда ҳужумкор ўйин кўрсатамиз. Бизни жамоада етакчилар асосан ҳужумкор чизиқда ўйнайди ва шу боис фикримча майдонда биринчи рақамда ўйнасак керак. Фиджи ҳақида етарлича маълумотга эга эмасман. Германия Европанинг амалдаги чемпиони ҳисобланади. Жисмоний жиҳатдан анчагина кучли ҳисобланади. Ҳужумкор жамоадир. Гондурас оддий рақиб эмас. Айниқда биринчи турда қийин бўлади. Биз ҳам қараб турмаймиз ва қўлган келганича ҳаракат қиламиз. Бизни ҳам ёшлар Олий лигада ўйнаб бормоқда.

- Чемпионатдан нималар кутмоқдасиз?

Чемпионатга муносиб ўйин кўрсатиш ва мухлислар учун майдонга тушишни кутаяпман. Биринчи марта иштирок этмоқдаман ва ҳаяжон бор. Бу ерда кўплаб футболчилар ўсмирлар термасида ҳам чемпионатда иштирок этиб қайтган. Етарлича амалиётган эгадир. Ижобий натижа бўлиши керак. Балки айнан мана шу чемпионатда чиройли ўйин кўрсатиб, биринчи лигани тарк этиб , Олий лигага ўтарман.

Мундиал олдидан. Нажмиддин Нормуродов: "Ҳужумкор ўйин кўрсатамиз"