Жамоа сардори Жавоҳир Соҳибов жамоанинг кучига ишонади.

"Яхши ниятлар билан жаҳон чемпионатига йўл олганмиз. Юртимизга ёруғ юз билан қайтиш асосий мақсадимиз", - дейди айни вақтда Янги Зеландияда бўлиб турган футболчимиз.

"Панама билан ўйин жаҳон чемпионати олдидан сўнгги назорат ўйини бўлди. Жуда фойдали учрашув ва сўнгги таркибни шакллантиришда керак эди. Гондурасга қарши ўйинга жиддий тайёргарлик олиб бордик. Панама ҳам бўлажак рақибимизга ўхшаш ўйин кўрсатади ва шу боис айнан шу рақиб танланди. Ўзимизни ўйинимиздаги камчиликларни кўриб олиш учун яхши имконият бўлди".

"Янги Зеландиядаги биринчи кунларимиз ажойиб ўтмоқда. Турли тадбирлар ташкил этилган. Бу ерда ҳозир қиш мавсуми ва футбол ўйнаш учун жуда қулай об-ҳаво бўлмоқда. Яратилган шароитлар ва стадионлар аъло даражада тайёрланган. Ҳозирча ўзимиз майдонга тушадиган майдонни кўрганимиз йўқ. Одамлар футболга ниҳоятда қизиқишига гувоҳ бўлмоқдаман. Мисол учун Панама билан ўртоқлик учрашувига ҳам жуда кўп мухлислар ташриф буюрди. Бу барчамизга ёқди".

"Об-ҳаво ва маҳаллий вақтга мослашиб олдик. Худо хохласа сардор сифатида ишончни оқлашга ҳаракат қиламан".

Мундиал олдидан. Жавоҳир Соҳибов: "Сардор сифатида ишончни оқлашга ҳаракат қиламан"