Bugun o'z tug'ilgan kunlarini nishonlayotganlar orasida nafaqat futbol, balki o'zbek sporti fidoiysi, "Paxtakor" klubi bosh direktori Dmitriy Adisman ham bor. Dmitriy Aleksandrovich haqida uzoq gapirish mumkin. Bu inson uzoq yillardan beri o'zbek sporti rivoji yo'lida mehnat qilib kelmoqda.

Faoliyati davosmida gandbol, dzyudo, bodibilding va fintes kabi sport federaciyalarida rahbarlik lavozimlarida samarali ishladi. Hozirda u Xalq jamoasi nomi bilan mashhur bo'lgan "Paxtakor" professional futbol klubi bosh direktori! "Paxtakor"ning ichki va xalqaro maydondagi muvaffaqiyatlarida Dmitriy Aleksandrovichning xizmatlari beqiyos.

Fursatdan foydalanib, saytimiz o'quvchilari va xodimlari nomidan Dmitriy Adismanni tavallud ayyomi bilan chin qalbdan muborakbod etamiz! Unga eng yaxshi tilaklarni bildiramiz. Aleksandrovichga sihat-salomatlik, oilaviy xotirjamlik, baxt, omad va ish faoliyatida yangi muvaffaqiyatlar tilab qolamiz.

"Paxtakor" oltin dublni qayd etib ulgurdi. Oldinda jamoani trebl kutmoqda. "Paxtakor" o'z bosh direktori Dmitriy Adisman bilan birga o'z oldiga qo'yilgan maqsadlarni birma-bir zabt etishiga tilakdoshmiz.

Tug'ilgan kun muborak, Dmitriy Aleksandrovich!

Sobir Xodievning Dmitriy Adismanga tilaklari

- So'zim avvalida Dmitriy Aleksandrovichni bugungi tavallud ayyomi bilan muborakbod etaman. Barcha orzu-istaklari ro'yobga chiqsin. Orzularining teng yarmi "Paxtakor" bilan bog'liq desam yanglishmagan bo'laman. Baxtiga yaqinlari, oila azolari sog' bo'lishsin, farzandlarini rohatini ko'rsin. Qolaversa, barcha yo'nalishdagi ishlariga ham rivoj tilayman. Qo'li ochiq, sahiy inson. Juda ko'pchilikka yordam beradi, lekin bu xayrli ishlarini hech kimga aytmaydi. Buni men yaxshi bilaman. Bu xayrli ishlariga Yaratgan o'z ajrini bersin. Bunday sahovatli, qo'li ochiq insonlar yurtimizda ko'payaversin. Nasib qilsa, bu yil hozir o'zimiz qatnashgan uchinchi musobaqada ham g'alaba qozonib, muxlislarimizni xushnud etamiz.

Nafaqat futbol, balki sport fidoiysi - Dmitriy Adisman yana bir yoshga ulg'aydi