Qarshining “Nasaf” klubi kubokda bir tekisda ishtirok eta olmaydigan klublar sirasiga kiradi. Sababi so'nggi yillardagi natijalarga etibor qilsak goh 1/8 finalda kurashdan chiqsa, goh finalgacha etib keladi. Ammo oxirgi ikki yilda klub finalga qadar etib borgani, bu yil ham hal qiluvchi o'yinda maydonga tushishini alohida takidlash lozim. Klub uch marta O'zbekiston kubogi finalida maydonga tushgan. Dastlabki ikkisida “Paxtakor”ga, o'tgan yili esa “Bunyodkor”ga imkoniyat boy berilgan. “Nasaf” 6 marta 1/8 finalda, 4 martadan 1/4 va 1/2 finalda to'xtagan. 90-yillar o'rtalarida ikki marta kubokning dastlabki bosqichi ular uchun so'nggi manzil bo'lgan. Ertaga “ajdarlar” finalda ketma-ket uchinchi bor maydonga tushishadi.

Tashkil etilganiga u qadar ko'p bo'lmagan “Bunyodkor” klubi O'zbekiston milliy chempionatidan tashqari kubogida ham anchayin muvaffaqiyatli tarzda ishtirok etib kelmoqda. Klub faqat dastlabki mavsumda 1/16 finalda kurashdan chiqqan. Shundan so'ng bo'lib o'tgan 4 mavsum davomida “Bunyodkor” ketma-ket ravishda finallarda ishtirok etgan. Ikki marta O'zbekiston kubogida zafar quchish (“Paxtakor” va “Sho'rtan”ni engib) nasib etgan bo'lsa, qolgan ikkita finalda “Paxtakor”ga imkoniyat boy berilgan. 2011 yilgi mavsumda esa ushbu anana barham topdi. “Nasaf” yarim finalda “Bunyodkor” yo'liga to'g'anoq bo'la olgandi. O'tgan yil esa “qaldirg'ochlar” “ajdarlar”dan bir yil oldingi yarim finaldagi mag'lubiyat alamini olishdi – 3:0.

Nasaf (Qarshi) eng yuqori natijasi – Finalchi
Yil	Natija
2012	Finalchi
2011	Finalchi
2010	1/8 final
2009	1/2 final
2008	1/8 final
2007	1/4 final
2006	1/8 final
2005	1/4 final
2004	1/8 final
2003	Finalchi
2002	1/2 final
2001	1/2 final
2000	1/2 final
1998	1/4 final
1997	1/4 final
1996	Birinchi bosqich
1995	O'tish bosqichi
1994	1/8 final
1993	1/8 final

Bunyodkor (Toshkent) eng yuqori natijasi – Chempion
Yil	Natija
2012	Chempion
2011	Yarim final
2010	Chempion
2009	Finalchi
2008	Chempion
2007	Finalchi
2006	1/16 final

Narzulla Saydullaev.

"Nasaf" va "Bunyodkor" O'zbekiston kubogida qanday ishtirok etishgan?