O'z tarixida ilk bor bu musobaqada ishtirok etayotgan klub o'zining eng gullagan davrida ham xalqaro maydonda to'p tepgan. Bundan katta avlod vakillari xabardor. Garchi batafsil tarkiblar, qaydnomalar saqlanib qolmagan bo'lsa-da, raqiblar bilan o'yinlardagi natijalari bor.

"Navbahor" o'z tarixida 3 marotaba Osiyoning klublar o'rtasidagi musobaqasida ishtirok etgan.

1996/1997 yilgi mavsumda O'zbekiston Kubogining amaldagi sohibi sifatida OFK klublar o'rtasidagi ikkinchi nufuzli turnir - Osiyo Kubogi egalari Kubogida ishtirok etib, ikkinchi saralash bosqichida to'xtagan edi.

1997/1998 yilgi mavsumda Namangan klubi Osiyo Chempionlar Kubogida (hozirgi OCHL deb ataladi) O'zbekistonning amaldagi chempioni sifatida ishtirok etib, guruhdan chiqa olmagan.

"Navbahor" o'z tarixida uchinchi va hozircha oxirgi marta 1999/2000 yilgi mavsumda Osiyo klublar musobaqasida qatnashgan. 1998 yilgi O'zbekiston Kubogining amaldagi sohibi sifatida Osiyo Kubogi egalari kubogida ishtirok etgan va yarim finalga qadar etib borgan.

KLUBLAR O'RTASIDAGI OSIYO CHEMPIONATIDA

1997/1998
Birinchi bosqich, Markaziy Osiyo
"Navbahor" 3:0 "Dinamo" (Tojikiston)
"Dinamo" 2:1 "Navbahor"

Ikkinchi bosqich, G'arbiy Osiyo
"Navbahor" 6:1 "Nisa"
"Nisa" 2:2 "Navbahor"

Guruh bosqichi (Livanda markazlashgan turnir)
1-tur
"Al Ansor" (Livan) 0:0 "Navbahor"
2-tur
"Al Hilol" (Saudiya Arabistoni) 3:1 "Navbahor"
3-tur
"Persepolis" (Eron) 1:1 "Navbahor"

"Navbahor" ikki ochko bilan guruhda uchinchi bo'lgan. Yarim finalga guruhdan "Persepolis" (7 ochko) va "Al Hilol" (6 ochko) yo'l olgan.

OSIYO KUBOK EGALARI KUBOGI MUSOBAQASIDA

1996/1997 yil
Birinchi bosqich
"Navbahor" 4:1 "Al-Quva Al-Javiya" (Iroq)
"Al-Quva Al-Javiya" 5:2 "Navbahor" (safarda ko'proq gol urgani uchun "Navbahor" keyingi bosqichga chiqqan)

Ikkinchi bosqich
"Navbahor" 4:1 "Istiqlol" (Eron)
"Istiqlol" 3:0 "Navbahor" (safarda ko'proq gol urgani uchun "Istiqlol" keyingi bosqichga chiqqan)

1999/2000 yil
Birinchi bosqich
"Navbahor" to'g'ridan-to'g'ri ikkinchi bosqichdan boshlagan.

Ikkinchi bosqich
"Qaysar" (Qozog'iston) 2:2 "Navbahor"
"Navbahor" - "Qaysar" 1:0

Uchinchi bosqich
28.01.2000
"Al-Ahli" (Saudiya Arabistoni) 6:1 "Navbahor"
25.02.2000
"Navbahor" 2:0 "Al-Ahli" ("Al Ahli" OFK tomonidan bir yilga diskvalifikaciya qilingani uchun yarim finalga "Navbahor" chiqqan)

Yarim final (Tailand, markazlashgan turnir)
13.04.2000
"Navbahor" 1:2 "Al-Zavra" (Iroq)
Gollar: Sherzod Nazarov 36 - Ahmed Sable 45, Hesham Muhammad 102.

Uchinchi o'rin uchun o'yin (Tailand, markazlashgan turnir)
15.04.2000
"Bangkok Bank" (Tailand) 3:1 "Navbahor"
Gollar: Apichad Tavichalermdit 4 penalti, Apirak Sriarun 36, Navi Xatixakreangkrai 38 - Shuhrat Mirxoldirshoev 23.

"Navbahor" bugun qanday natija qayd etadi?

"Navbahor" 23 yildan so'ng yana xalqaro maydonga qaytdi yoxud avvalgi barcha natijalarni yodga olamiz