Buni navoiylik muxlislar uchun munosib tuhfa desak, mubolag'a bo'lmaydi. O'n beshinchi turdan joy olgan yoshlar ligasining “Qizilqum” - “Nasaf” uchrashuvini bevosita stadiondan tomosha qilgan yuzlab ishqibozlar kayfiyati ham fikrimiz tasdig'idir. Ochig'i, oliy liganing ayrim jamoalari ishtirokidagi uchrashuvlarga ham bu qadar ko'p tomoshabin tashrif buyurmasligini takidlash lozim.

Uchrashuv tafsilotlariga to'xtaladigan bo'lsak, butun o'yin davomida har ikkala jamoa azolari ham ochiq futbol namoyish etdilar. Garchi, bahsda darvozalarga ko'p gol kiritilmagan bo'lsa-da, nihoyatda shiddatli va hujumkor ruhda kechdi.

29-daqiqada himoyachi Aziz Usmonov jarima maydonchasi ichida raqibini turtib yiqitdi. Bosh hakam penalti belgiladi. Bu pallada “Nasaf” vakili Javohir Ashurov penaltini bexato amalga oshirib, uchrashuvda hisobni ochdi - 0:1.

43-daqiqada Bahodir Qosimovning to'p uzatishidan so'ng, Navro'z Alimov darvozadan chamasi 20 metrlar uzoqlikdan darvozani ishg'ol etdi - 1:1.

Tanaffusdan so'ng, har ikkala jamoa murabbiylari tarkibda bir qator o'zgarishlarni amalga oshirdilar. Ammo bu uchrashuv oxirigacha hisobda aks etmadi. Yakunda yoshlar o'rtasidagi o'yin durang natija bilan nihoyasiga etdi.

Eslatib ztamiz, “Qizilqum” - “Nasaf” jamoalari asosiy tarkiblari bahsi 10 avgust kuni soat 18.30 da boshlanadi. Uchrashuv Navoiydagi “So'g'diyona” stadionida bo'lib o'tadi.

Yoshlar ligasi
15-tur, 2013 yil 9 avgust (juma)
“Qizilqum” (Navoiy) - “Nasaf” (Qarshi) - 1:1
Navoiy. “Qizilqum”FK qoshidagi bolalar futbol maktabi stadioni
Hakamlar: Nikolay Meshkov (Samarqand), Evgeniy Zakutilin, Artur Eshbo'taev, Sergey Ivlev (barchasi Navoiydan).
Nazoratchi: Aleksandr Popov.
Gollar: Javohir Ashurov 29, penalti – 0:1. Navro'z Alimov 43, – 1:1.
“Qizilqum”: 92. Ravshan Mehmonov (30. Oybek Abdiev, 46), 2. Marufjon Yunusov, 3. Dilshod Isoqulov, 27. Aziz Usmonov, 16. To'rabek Turopov, 21. Maruf Tillaev, 5. Sevdiyor Hamroqulov, 7. Bobur Iskandarov (4. Mirjalol Qosimov, 23), 20. Sunnatillo Toshpo'latov, 9. Bahodir Qosimov, 11. Navro'zbek Alimov (19. Xolmo'min Davronov, 58).
Zaxiradagilar: 8. Yunus Mahkamov, 17. Shohjahon Rajabov, 33. Zayniddin Komilov, 14. Nurxat Ajibekov.
“Nasaf”: 43. Alibek Turobov, 2. Mirzamurod Jo'raboev, 3. Fayoz Azimqulov, 4. Sarvar Xolmurodov, 13. Timur Yumangulov ( 7. Sirojiddin Qo'ziev, 12), 8. Javohir Ashurov (16. Doniyor Narzullaev, 70), 10. Aziz Malikov, 17. Obid Mamotov (28. Diyor Karimov, 82), 20. Ulug'bek Dadaboev (11. Sanjar Baratov, 73), 22. Jamoliddin Masharipov (9. Dilshod Xushboqov, 65), 33. Ilhom Usubjonov.
Zaxiradagilar: 1. Azamat Ahmedov, 55. Shahzod Ochilov.
Ogohlantirishlar: Aziz Usmonov, 29, Sunnatillo Toshpo'latov, 67 - Fayoz Azimqulov, 12, Aziz Malikov, 72
Chetdatish: Aziz Usmonov, 87 (ikkinchi sariq kartochka).

“Qizilqum” FK matbuot xizmati.

Navoiyga katta futbol qaytmoqda yoxud “Qizilqum” va “Nasaf” yoshlar durang o'ynashdi