Superligaga qaytgan "Neftchi" klubi bir necha kundan beri Toshkentda mashg'ulotlar olib bormoqda. Farg'onaliklarning kechagi mashg'ulotlarini bevosita kuzatib bordik. Ilhom Mo'minjonov boshchiligidagi jamoa mashg'ulotida kecha jami 16 nafar futbolchi ishtirok etdi. Yangi kelgan Lutfulla To'raev sobiq jamoasi bilan xayrlashib kelish uchun javob olgani bois ishtirok etmagan bo'lsa, darvozabonlardan biri Akbar To'raev jarohat sabab kecha ko'rinish bermadi. Bundan tashqari, Doniyor Narzullaev ham "Nasaf" tarkibida "Qo'qon-1912"ga qarshi bahsda olgan jarohatidan to'liq forig' bo'lmagani bois kecha chigalyozdi mashqlardan so'ng individual tarzda shug'ullandi va to'p bilan ishlamadi.
Bosh murabbiyning so'zlariga ko'ra, tez orada Aleksandr Yeshich Toshkentdagi yig'inga kelib qo'shiladi. Darko Stanoevich, Daniel Stoykovich va yana bir o'yinchi Turkiyadagi yig'inda jamoaga kelib qo'shiladi. Bundan tashqari, jamoa 2 nafar yangi futbolchini jalb qilishni mo'ljallamoqda.
"Neftchi" jamoasi 16 yanvar sanasida "Buxoro"ga qarshi nazorat uchrashuvi o'tkazadi. Bellashuv Toshkentdagi "Chig'atoy" o'quv bazasiga qarashli suniy qoplamali maydonda bo'lib o'tadi. O'yin 11:00da start oladi.
Birozdan so'ng "Neftchi"ning kechagi mashg'ulotidan videolavha va jamoaning jismoniy tayyorgarlik bo'yicha yangi murabbiyi Durbek Umaraliev bilan suhbatni tomosha qilishingiz mumkin.
"Neftchi"ning kechagi mashg'ulotidan suratlarni saytimizning maxsus bo'limi orqali tomosha qilishingiz mumkin. >>>>> FOTOGALEREYA
Suratlar muallifi: Tolibjon Qosimov
"Neftchi"ning kechagi mashg'ulotidan suratlarni saytimizning maxsus bo'limi orqali tomosha qilishingiz mumkin. >>>>> FOTOGALEREYA
Izohlar