Бразилиялик француз гранди билан 2025 йил июнгача шартнома имзолади.

"Жуда хурсандман. Ҳа, бу ҳақиқат. Мен яна тўрт йил шу ерда қолишдан бахтиёрман. Ушбу лойиҳанинг бир қисми бўлиб, ғолибликни қўлга киритишда давом этаман. Чемпионлар Лигасида ғолиб чиқиш борасидаги асосий орзумизни амалга оширишга ҳаракат қиламан. Клубда қолганимдан шодман.
Мени шартномамни узайтиришга нима ундади? Биринчи омил – бу ерда бахтлиман. Ушбу жамоанинг бир қисми эканлигим – бахт. Ва, албатта, клуб, шерикларим, биз янада кўпроқ ютуқларга эришишимизда ёрдам берадиган ажойиб мураббий билан алоқам зўр. Буларнинг барчаси лойиҳага янада кўпроқ ишонишга мажбур қилади", – деди 29 ёшли футболчи клуб расмий сайтига.

Неймар ПСЖ таркибида 2017 йилнинг ёзидан бери ўйнаб келмоқда. У 112 учрашув ўтказган, 85 та гол урган ва 51 та голга узатма берган.

Неймар: "Чемпионлар Лигасида ғолиб чиқиш борасидаги асосий орзумизни амалга оширишга ҳаракат қиламан"