Ушбу рамзий терма жамоадан икки ўзбекистонлик футболчи жой олган. Таъкидлаш керакки, бу терма жамоага ҳозир фаолият олиб бораётган ўйинчилар киритилган.

Дарвозабон: Игорь Акинфеев (ЦСКА)

Ҳимоячилар: Игорь Смольников (Зенит), Василий Березуцкий (ЦСКА), Ярослав Ракицкий (Шахтёр), Виталий Денисов (Локомотив).

Ярим ҳимоячилар: Одил Аҳмедов (Краснодар), Алан Загоев (ЦСКА), Генрих Мхитарян (Боруссия Д), Андрей Ярмоленко (Динамо Киев), Евгений Коноплянка (Севилья).

Ҳужумчи: Артём Дзюба (Зенит).

Футболчиларимизни қуйидагича изоҳлашган:

Виталий Денисов. "Локомотив"нинг етакчиларидан бири ва Ўзбекистон терма жамоасининг асосий таркиб футболчиси ўз жойида рақобатчиларга эга эмас. У тиришқоқ, барқарор ва унинг савияси камдан-кам пасаяди. Виталийга "Лацио" бекордан-бекорга қизиқаётгани йўқ.

Одил Аҳмедов. Игорь Денисов ҳозир "Зенит"да ўйнаганидек ҳаракат қилмаяпти, шу сабабли таянч зонасида "Краснодар"да тўп тепувчи Ўзбекистоннинг яна бир вакили ҳужумларни бузади. Ҳужум бузишда ва ташкил этишда кучли бўлган кўп қиррали футболчи, ҳақиқий мотор, жарима майдончалари ўртасида чарчаш нималигини билмайди. Унда ажойиб зарба ва ҳавас қилгудек ақл бор.

Одил Аҳмедов ва Виталий Денисов "Soccer.ru"нинг собиқ Иттифоқ рамзий терма жамоасида