Унда Уммон терма жамоаси Ўзбекистон билан бир гуруҳда иштирок этади.

Рақибимиз айни пайтда Иорданияда йиғин ўтказаётгани ҳақида хабар бердик. Пим Вербек бошчилигидаги жамоа октябрь, ноябрь, декабрь ойларида ҳам йиғин ўтказади ва ўртоқлик учрашувларида майдонга тушади.

7-16 октябрь - Қатар
Ушбу йиғин доирасида Уммон 14 октябрда Яман ва 16 октябрда Эквадор билан ўртоқлик учрашуви ўтказади.

12-20 ноябрь - Уммон, Маскат
Ўз уйидаги йиғинда ҳам иккита ўртоқлик учрашуви режалаштирилган. Ҳозирча фақат битта рақиб номи аниқ - Қирғизистон (18 ноябрь).

7-22 декабрь - Уммон, Маскат
Декабрь ойидаги йиғин ҳам Уммон пойтахти Маскат шаҳрида ўтказилади. Ушбу йиғинда Вербек шогирдлари учта ўртоқлик ўйинида майдонга тушишади. Рақиблар номи ҳозирча маълум эмас.

23 декабрь куни жамоа БАА мамлакатига учиб боради ва 5 январь куни старт оладиган мусобақага тайёргарликни айнан шу ерда давом эттиради.

Ушбу йиғин доирасида Уммон 30 декабрь куни Австралия, 2 январь куни Таиланд билан ўртоқлик учрашувлари ўтказишни режалштирмоқда.

Эслатиб ўтамиз, Уммон терма жамоаси Осиё Кубоги гуруҳ босқичида Ўзбекистондан ташқари Япония ва Туркманистон билан ўйнайди.

Осиё Кубоги-2019. Рақибимиз Уммон кейинги ой Эквадор билан ўйнайди