Muxlislar Gonsalu Ramush Shveycariyaga birinchi golni urgandan keyin Bernardu Silva o'zini qanday tutganiga etibor qaratishdi.

Qiziqarli jarayon Championat.asia fotosuratchisi Tolibjon Qosimov kamerasi obektiviga ham tushib qoldi. Quyida bunga guvoh bo'lishingiz mumkin.

"Manchester Siti" yarim himoyachisi tribuna oldida uzoq vaqt davom etgan katta bayramda ishtirok etmadi. Avvaliga u sheriklariga qo'shildi, lekin tezda maydonga qaytdi.

Muxlislar allaqachon Bernarduning bu qilmishi sababini aniqladilar – ularning talqiniga ko'ra, portugaliyalik futbolchi shveycariyaliklarga to'pni maydon markazidan tezda o'ynab ketishga imkon bermagan.

Gap shundaki, FIFAning to'pni maydon markazidan boshlashni tartibga soluvchi 8-qoidasida shunday deyilgan: "Boshlang'ich zarbani beruvchidan boshqa barcha o'yinchilar o'z jarima maydonchasi tarafida bo'lishlari shart".

Bernardu tantanadan so'ng maydonning Shveycariya jarima maydoni tomonga tushib oldi – shuning uchun o'yinni davom ettirib bo'lmadi.

Ijtimoiy tarmoqlarda Bernardu bilan bog'liq holat haqida quyidagicha izohlar yozishdi:

– "Bernardo o'yin to'xtab turganda ham futbolni 5 yulduzli tushunadi";

– "Bu juda muhim, menimcha, biz bu qoida haqida etarli malumotga ega emasmiz";

– "Elit mentalitet";

– "Men hozirgina yangi qoidani bilib oldim. Ofarin, Bernardu".

"O'yinni 5 yulduzli tushunish". Muxlislar Bernardu Silvaning Portugaliya terma jamoasi gol nishonlayotgan paytdagi hiylasini payqab qolishdi